Маңғыстауда мұнай компаниясы қызметкерлеріне жалақы төлемей отыр

03.04.2025, 07:16 kaz.365info.kz

Маңғыстау облысындағы «Mangystau Oil Refining» ЖШС жұмысшылары 2025 жылдың қаңтарынан бері жалақыларын толық ала алмай келеді. Компания басшылығы бұған өнімге сұраныстың аздығы себеп екенін алға тартуда. Алайда қызметкерлердің айтуынша, еңбекақы төлеу мәселесі шешілмей жатқанымен, кәсіпорын шетелдік мамандарды жұмысқа шақырып, оларға барлық жағдай жасап отыр. Жұмысшылар бірнеше рет басшылыққа өтініш білдіргенімен, еш нәтиже шықпаған. Егер бұл талаптар орындалмаса, жұмысшылар өз құқықтарын қорғау үшін басқа да шаралар қолдануға дайын екенін мәлімдеді.