Қарағандыда кәріз құдығында түскен екі жұмысшы уланып қайтыс болды

24.07.2025, 08:09 kaz.365info.kz

Қарағандыда кәріз құдығынан екі адамның денесі табылды. Олар коммуналдық мекеменің жұмысшылары екен. Марқұмдардың бірі құдыққа түсіп газға уланып қалған. Оны құтқармақшы болған әріптесі де шұңқырдан шыға алмаған.

«Шұңқырға бірінші түскен адам есінен танып құлаған. Ал менің ұлым оны жоғарыдан көріп қоса түскен. Негізі ол оның ішіне түспеуі керек болатын. Бірақ әріптесін құтқарғысы келген. Ұлым қызметіне әрқашан сақ болатын. Өзі коммуналдық салада көптеген жігіт қайтыс болғанын үнемі айтушы еді», – деді марқұм Е. Макеевтің анасы Валентина Макеева.

Қайғылы оқиға құбыр құдығын тазалап жатқанда болған. 29 және 46 жастағы қос жұмысшы оқиға орнына қызмет бабымен барған. Коммуналдық салада бірі алты жыл, енді бірі 24 жыл слесарь қызметін атқарған. Құбыр құдығын тазалауға төрт адам болып барған. Кейін жұмысшылардың бірі шұңқырға түскен. сол сәтте тұншығып құлып, оны құтқаруға екінші жұмысшы ұмтылған.

«Компания тарапынан қолдау болады. Марқұмдардың отбасына жан-жақты көмектесеміз. Қазір төленетін қаражаттың мөлшерін анықтап жатырмыз. Бізде мұның бәрі қарастырылған. Марқұмдардың отбасына қайғыра көңіл айтамыз. Бұл бізде орын алып отырған алғашқы қайғылы жағдай», – деді «Қарағанды су» компаниясының бас директоры Ербол Төлеуов.

Толық оқыңыз…