1 маусымда магистратураға құжат қабылдау басталады

29.05.2026, 15:37 kz.kursiv.media

1 маусымнан бастап магистратураға түсу үшін кешенді тестілеуге қатысу үшін өтініштерді қабылдау басталады. Бұл туралы Ғылым және жоғары білім министрлігі хабарлады.

Тіркеу 8 шілдеге дейін app.testcenter.kz сайтында жүргізіледі. Ал тестілеудің өзі 20 шілде мен 10 тамыз аралығында өтеді.

«Шығармашылық дайындықты талап ететін білім беру бағдарламаларының топтары бойынша бейінді магистратураға түсушілерден құжаттарды қабылдау ағымдағы жылғы 1 маусым мен 8 шілде аралығында жоғары және (немесе) жоғары оқу орнынан кейінгі білім беру ұйымдарымен жүзеге асырылады»,– делінген хабарламада.

Тіркелу кезінде талапкер тест тапсыратын қаланы өзі таңдайды. Берілген өтінішке өзгерістерді 8 шілдеге дейін енгізуге болады. Тестілеудің өтетін орны, күні мен уақыты туралы ақпарат 14 шілдеде талапкердің жеке кабинетінде жарияланады.

Ғылыми-педагогикалық магистратураға түсуге арналған кешенді тестілеу электронды форматта өткізіліп, үш бөлімнен тұрады. Шекті балл – 75 балл.

Оның ішінде:

Емтихан тапсыруға 3 сағат 55 минут беріледі.

Ал бейіндік магистратураға түскісі келетін талапкерлер тек білім беру бағдарламалары топтарының бейіндік пәндері бойынша тест тапсырады. Бұл емтиханға 1 сағат 40 минут уақыт бөлінеді.

Шекті өту балы – 30 балл. Оның ішінде бірінші және екінші бейіндік пәндердің әрқайсысынан кемінде 7 балл жинау қажет.

Сондай-ақ келесі талаптардың біріне сай келетін азаматтар қабылдау комиссиялары өткізетін әңгімелесу нәтижесі бойынша ақылы негізде магистратураға қабылдана алады:

Еске салайық, Қазақстанда «Болашақ» бағдарламасы мен «Ғылыми тағылымдамалар» бойынша құжаттар қабылдау басталды. Өтінімдерді eGov.kz порталы арқылы беруге болады. «Болашақ» бойынша 16 қазанға дейін, ал ғылыми тағылымдамалар бойынша 30 қазанға дейін құжат қабылданады.

Толық оқыңыз…