Мексика Оңтүстік Кореяны жеңіп, топтан бірінші болып шықты
Футболдан өтіп жатқан Әлем чемпионатының топтық кезеңінің 2-турында Мексика құрамасы Оңтүстік Корея командасын 1:0 есебімен жеңіп, маңызды ұпайға қол жеткізді. Бұл жеңіс мексикалықтарға топтан шығу мүмкіндігін ресми түрде қамтамасыз етті.
Кездесудің алғашқы таймы қос команданың да өте сақ ойнауымен ерекшеленді. Есеп ашылмағанымен, тартысты ойын болды. Оңтүстік Корея сапынан Ли Кан Ин ойынның небәрі 4-минутында-ақ сары қағаз алып, командасын біраз қысымға қалдырды. Алғашқы 45 минут 0:0 есебімен аяқталды.
Екінші тайм басталған бойда Мексика құрамасы бірден шабуылға көшті. Нәтижесінде, 50-минутта Луис Ромо қарсылас қақпасын дәл көздеп, есепті 1:0-ге жеткізді. Осы гол ойын тағдырын шешкен жалғыз әрі жеңісті доп болды.Ойын барысында қос бапкер де құрамға бірнеше өзгерістер енгізді:
Оңтүстік Корея Хван Хи Чхан, О Хён Гю (Oh Hyeon-Gyu) секілді ойыншыларын алмастырып, шабуылды күшейтуге тырысты. Алайда, Бэк Сын Хоның 58-минутта алған сары қағазы мен мексикалықтардың берік қорғанысы оларға есепті теңестіруге мүмкіндік бермеді.
FIFA рейтингінде 14-орында тұрған Мексика құрамасы өзінен төмен сатыдағы Оңтүстік Кореяны (25-орын) тактикалық тұрғыдан шаң қаптырды. Осы жеңістен кейін Мексика өз тобынан мерзімінен бұрын шығып, плей-офф кезеңіне жолдама алды.
Айта кетейік, алғашқы ойында Мексика Оңтүстік Африка Республикасын 2-0 есебімен жеңген еді.
- Соңғы
- Маусым, 19
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
20 маусым 2026
