Ыстықтың беті қайтады: демалыс күндеріне арналған ауа райы болжамы
Синоптиктер алдағы демалыс күндеріне, 20-22 маусымға арналған ауа райына болжам жасады. Оған сәйкес демалыс күндері елдің басым бөлігінде өткінші жаңбыр жауып, найзағай ойнайды.
Кей өңірлерде екпінді жел соғады. Ал республиканың батысында аптап ыстықтың беті аздап қайтады.
«Алдағы демалыс күндері атмосфералық фронталды бөліктердің өтуіне байланысты еліміздің басым бөлігінде өткінші жаңбыр жауып, найзағай ойнайды. Жел күшейеді, сондай-ақ бұршақ жаууы мүмкін. Ал 21-22 маусымда батыс өңірлерде нөсер жаңбыр жауады деп болжануда», – деп хабарлады «Қазгидромет» РМК.
Ауа температурасы 30-38 градусқа дейін көтеріледі. 21-22 маусымда республиканың солтүстік-батысы мен орталығында 40-41 градусқа дейін аптап ыстық болады.
Тек батыс аймақтарда ғана ыстықтың беті қайтып, ауа температурасы 22-33 градус шамасында болады.
Бұған дейін синоптиктер шілдеде Алматы мен Астанада болатын ауа райына болжам жасаған еді. Оған сәйкес екі қалада да жаңбырлы күндер көп болады.
- Соңғы
- Маусым, 19
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
20 маусым 2026
