Тоқаев төрт облыстың әкіміне тапсырма берді
Мемлекет басшысы Қасым-Жомарт Тоқаев телефон арқылы Атырау, Жамбыл, Маңғыстау және Ұлытау облыстарының әкімдерімен кездесіп, өңірлердегі ахуал бойынша есеп тыңдады.
Президентке өңірлердің әлеуметтік-экономикалық даму көрсеткіштері мен алдағы жоспарлар туралы баяндалды. Сонымен қатар, облыс басшылары президенттің бұған дейінгі берген тапсырмаларының орындалу барысы жайлы есеп берді.
Қасым-Жомарт Тоқаев Атырау облысының әкімі Серік Шәпкеновке, Жамбыл облысының әкімі Ербол Қарашөкеевке, Маңғыстау облысының әкімі Нұрдәулет Қилыбайға және Ұлытау облысының әкімі Дастан Рыспековке аймақтарды дамытудың жаңа тәсілдерін енгізу қажет екенін ескертті. Президент облыстардың экономикалық әлеуетін арттыру және халықтың мүддесін көздейтін әлеуметтік мәселелерді шешу үшін жедел әрі нақты шаралар қабылдауды талап етті.
Мемлекет басшысы әлеуметтік инфрақұрылым нысандарының құрылысын жеделдетуді басты міндет етіп қойды. Бұл ретте:
Сондай-ақ, президент «Таза Қазақстан» республикалық акциясы аясында ауқымды жұмыстарды жандандыру маңызды екенін атап өтті.
Президент әкімдерге азаматтармен тығыз байланыста болып, тұрғындарды толғандырған түйткілдерге уақтылы жауап беруді тапсырды. Бұдан бөлек, өңір басшылары мынадай бағыттарға ерекше көңіл бөлуі тиіс:
Президент өңірлерді басқарудағы жауапкершілікті арттыру қажеттігін еске сала отырып, берілген тапсырмалардың сапалы орындалуын қадағалайтынын жеткізді.
Айта кетейік, осыған дейін Тоқаев Қауіпсіздік кеңесінің отырысын өткізіп, ғарыш саласын жаңғырту туралы айтқан еді.
- Соңғы
- Маусым, 18
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
19 маусым 2026
