Әйгілі актриса Кейт Бланшет Оксфорд университетінің профессоры атанды
Голливуд актрисасы Кейт Бланшетт Оксфорд университетінің профессоры атанды. Оскар сыйлығының екі дүркін иегері 2026-2027 оқу жылында Әулие Екатерина колледжінде заманауи театр өнерінен сабақ береді деп жазады CNN.
Актриса бір жыл бойы дәріс оқып, студенттер және университет қауымдастығымен тығыз байланыста болуы керек. Ол бұл мүмкіндік үшін ерекше қуанышты екенін атап өтті.
Профессорлық лауазымды ашқан театр продюсері және театр иесі сэр Кэмерон Макинтош актрисаның кино, театр және теледидар саласындағы продюсер әрі актер ретіндегі мансабы Оксфорд студенттері үшін үлкен шабыт көзі болады деп есептейді.
57 жастағы актриса 90 жылдардың соңында «Елизавета» фильміндегі патшайым Елизавета біріншінің рөлімен танымал болды. «Сақиналар әміршісі», «Оушеннің 8 құрбысы», «Кэрол», «Даулы күнделік» және «Тар» сияқты танымал туындыларға түскен.
Тағы да оқыңыз: Әйгілі түрік актрисасы Эдже Иртем қайтыс болды
- Соңғы
Күнделікті жаңалықтар
18 маусым 2026
