Жамбыл облысында 71 тонна қарасора өртелді
Жамбыл облысы Шу ауданында құмды жерлердегі жабайы қарасора шабылып, оның 71 тоннасы өртелді.
Polisia.kz ақпаратына қарағанда, шара есірткі құралдарының заңсыз айналымының алдын алу және оған қарсы іс-қимыл жөніндегі бірлескен жоспар аясында өткен.
110 гектар аумақты алып жатқан жабайы қарасора орылыпты. Ондағы мақсат – есірткі арналарының жолын кесуге және өңірден тыс жерлерге есірткінің таралуына жол бермеу.
«Жамбыл облысында «Қарасора – 2026» республикалық жедел-профилактикалық іс-шарасы жалғасып жатыр», – деп хабарлайды полиция.
Сондай-ақ Жамбыл облысы полиция департаментінің Дельта-Долина ауданаралық есірткі қылмысына қарсы іс-қимыл бөлімінің базасында ІІМ Алматы академиясының курсанттарының қатысуымен кезекті тәжірибелік сабақ өткен.
Іс-шара барысында курсанттар бөлім басшылығы және жедел құраммен кездесіп, есірткі қылмыстарына қарсы жедел-іздестіру іс-шараларын жүргізу тактикасымен танысқан. Сонымен қатар бөлімнің материалдық-техникалық базасын және қызмет барысында қолданылатын заманауи арнайы техниканың мүмкіндіктерін зерделеді.
Айта кететін жайт, Жамбыл облысында 95 келіден астам марихуанамен ұсталған тұрғын сотталған еді.
- Соңғы
-
-
-
-
-
-
-
-
-
-
-
-
-
- Шілде, 07
-
-
-
-
-
Күнделікті жаңалықтар
8 шілде 2026
