Арыста мас жүргізуші 4 адамның өмірін қиды
Арыс қаласында көлік тізгіндеген 52 жастағы әйел жер үйдің қоршауына соғылып, үйдің алдында отырған бірнеше адамды басып кетті. Оқиға салдарынан 4 адам, оның ішінде екі кішкентай бала қаза тапты. Қайтыс болған әйелдердің бірі жүкті болған.
Тағы екі адам ауыр жарақаттармен ауруханаға жеткізілді.
Көлікті 52 жастағы Бибінұр Қасымова басқарған. Әлеуметтік желіде тараған ақпаратқа сәйкес, әйел мектепте жұмыс істейді, ал бос уақытында таксист болып жұмыс істейді.
Сараптама қорытындысы анықтағандай, әйел көлікке мас күйінде отырған. Ол «абайсызда жасалған қылмыс» бабымен ең көбі 10 жылға, ең азы 7 жылға бас бостандығынан айырылуы мүмкін.
Айта кетейік, Алматыда әл-Фараби көшесіндегі 3 адамның өмірін қиған апатқа кінәлі деп танылған Александр Пак та 7 жылдан 10 жылға дейінгі мерзімге сотталуы мүмкін.
- Соңғы
Күнделікті жаңалықтар
10 маусым 2026
