Алматы полициясы жасөспірімдер барғаны үшін барлар мен түнгі клубтарды жабуда
Алматы полициясы жасөспірімдерді іздеу мақсатында түнгі клубтарға жаппай рейд жүргізуде. Көптеген мекемелер үшін мұндай тексерулер қызметін тоқтата тұрумен аяқталуда.
Түнде құқық қорғау органдары Медеу ауданындағы екі барды тексерді. Ол жерден түнгі уақытта ересектердің қарауынсыз жүрген және ішімдік ішкен жасөспірімдер анықталды. Олардың барлығы полицияға жеткізіліп, мекеме әкімшілігіне қатысты іс қозғалды.
«Ата-аналар балаларды тәрбиелеу жөніндегі міндеттерін тиісінше орындамағаны үшін жауапқа тартылды», – деп хабарлады полиция.
Құқық қорғаушылар бұл барлардың қызметін тоқтата тұруды көздеп отыр. Бір апта бұрын Алматының дәл осы ауданында ұқсас жағдай орын алып, түнгі клубтарда жасөспірімдер табылған.
Публикация от Алматы қаласының ПД | ДП г.Алматы (@almaty_police_department)
Үш ойын-сауық мекемесінің иелері мен қызметкерлері кәмелетке толмағандарды түнгі уақытта кіргізгені және алкоголь сату талаптарын бұзғаны үшін айыппұл арқалады.
«Олардың қызметі тоқтатылды… Жасөспірімдердің заңды өкілдері оларды тәрбиелеу және бақылау жөніндегі міндеттерін тиісінше орындамағаны үшін жауапқа тартылды», – деп толықтырды ПД.
Айта кетейік, осыған дейін Қазақстанда 193 бар мен түнгі клуб «қауіпті» деп танылып, ІІМ бұл орындарды алкогольді заңсыз сатудан бастап төбелеске және басқа да қылмыстарға дейінгі құқық бұзушылықтар жиі кездесетін мекемелердің арнайы тізіміне енгізілгенін жазған едік.
- Соңғы
Күнделікті жаңалықтар
10 маусым 2026
