Си Цзиньпин биылғы шетелдік сапарын Солтүстік Кореядан бастады
Қытай Халық Республикасының төрағасы Си Цзиньпин жеті жылдан кейін Солтүстік Кореяға екі күндік мемлекеттік сапармен келді. Пхеньян әуежайында Си мен оның жұбайы Пэн Лиюаньді Корея Еңбек партиясының бас хатшысы, КХДР Мемлекеттік істерінің төрағасы Ким Чен Ын мен оның жұбайы Ли Соль Чжу қарсы алды деп хабарлайды «Синьхуа» агенттігі.
Бұл – Си Цзиньпиннің биыл шетелге шыққан алғашқы сапары. Қытай билігінің мәліметінше, ол ҚХДР-ға арнайы келген. Мемлекеттік сапары 10 маусымға дейін жалғасады.
Қазақпарат жазуынша, екі тарап екі ел мүддесі үшін халықаралық және аймақтық істерде стратегиялық серіктесті нығайту керек деп келіскен. Сондай-ақ партиялық жүйе құру, экономиканы дамытуда тәжірибе алмасуға уағдаласқан.
Қытай Солтүстік Кореяның басты сауда серіктесі деп саналады. Синьхуа жазуынша, Бейжің Пхеньянға саяси, экономикалық және дипломатиялық тұрғыдан қолдау көрсетіп келеді.
- Соңғы
Күнделікті жаңалықтар
10 маусым 2026
