Тегін берілетін дәрілер тізімін қайдан білуге болады
Енді қазақстандықтар тегін берілетін дәрілер тізімін кез келген уақытта көріп, тексере алады. Ол үшін «СҚ-Фармация» Telegram мен WhatsApp мессенджерінде арнайы чат-бот іске қосты.
Қолданушылар сол чат-ботқа қосылып, ЖСН теріп, тегін берілетін дәрілермен таныса алады. Арнайы бот тұрғындардың сұрақтарына да жауап береді.
Чат-ботқа қосылу үшін QR-кодты сканерлеу керек. Ол код дәріханаларда, емханаларда немесе сіз тұратын аймақтағы ауруханада қабырға, есік сыртына жапсырылып тұрады.
Ботқа ЖСН жазуға немесе дәрігер берген рецептінің нөмерін де көрсетіп, ақпарат алуға болады.
«Егер рецепт бойынша іздесеңіз, оның нөмірін жазасыз. Содан кейін тізімнен сізге қажетті дәріні таңдайсыз. Бірнеше секундтан кейін чат-бот ол дәріні тегін алуға болатынын не болмайтынын анықтап береді», – деп түсіндіреді ведомстводан.
Оқи отырыңыз: Импортқа байланған фармацевтика: дәрі-дәрмек тәуелділігінен қашан құтыламыз?
- Соңғы
Күнделікті жаңалықтар
4 тамыз 2026
