Тоқаев пен Әлиев ШЫҰ саммиті аясында кездесіп, екіжақты ынтымақтастықты талқылады
ШЫҰ саммиті аясында Қазақстан президенті Қасым-Жомарт Тоқаев пен Әзербайжан көшбасшысы Ильхам Әлиевтің екіжақты кездесуі өтті, деп хабарлайды Кursiv.Media.
Тоқаев Әлиевке елімізде алғаш рет өткен бір палаталы Құрылтай сайлауының қорытындылары туралы баяндап, бұл тарихи оқиғаның мемлекетті жан-жақты жаңғырту жолындағы маңызына тоқталды.
Кездесу барысында Қазақстан президенті Құрылтай сайлауына қатысты жылы лебізі мен байқаушылар миссиясы құрамындағы белсенділігі үшін Әзербайжан тарапына алғыс білдірді. Ол ел тарихында бұл саяси науқанның халықаралық ұйымдар тарапынан тұңғыш рет бірауыздан оң бағаға ие болғанын ерекше атап өтті. Осы орайда Тоқаев жаңадан сайланған Құрылтайдың Әзербайжан Парламенті – Милли Мәжіліспен тығыз қарым-қатынас орнатуға ниетті екенін және бұл бағыттағы ынтымақтастықты барынша қолдайтынын жеткізді.
Өз кезегінде Ильхам Әлиев Қазақстандағы реформалардың ауқымы мен маңыздылығын жоғары бағалап, екіжақты қарым-қатынастың табысты ілгерілеп, нағыз одақтастық деңгейге көтерілгенін мәлімдеді. Әзербайжан Президентінің сөзінше, сайлаудың сәтті өтуі мен халықтың қолдауы Қазақстан қоғамының елдегі жаңашылдықтар мен президент бастамаларын дұрыс қабылдап, толық құптайтынын айқын көрсетеді. Мемлекеттер басшылары бұл жетістіктер мен өзара ықпалдастықтың қозғаушы күші екі ел көшбасшыларының ортақ ерік-жігеріне негізделгенін растады.
Кездесу барысында президенттер сауда-экономикалық және инвестициялық ықпалдастықты тереңдету мәселелерін де назардан тыс қалдырмады. Тараптар көлік, логистика, энергетика және цифрландыру сияқты стратегиялық салалардағы бірлескен жобалардың жүзеге асырылу барысын пысықтап, алдағы уақытта өтетін халықаралық іс-шаралар кестесін келісті.
- Соңғы
- Тамыз, 31
-
-
-
-
-
-
-
-
-
-
-
-
-
-
-
- Тамыз, 30
-
-
-
Күнделікті жаңалықтар
1 қыркүйек 2026
