Непалдағы су тасқынынан қаза тапқандар саны 734 адамға жетті
Непалда Бхотекоши және Тришули өзендеріндегі жойқын су тасқыны салдарынан қаза тапқандар саны 734 адамға жетті, тағы 2 498 адам хабар-ошарсыз кеткендер қатарында, делінген соңғы үкіметтік деректерде, деп хабарлайды Кursiv.Media.
Кathmandupost.com ақпаратына сүйенсек, табылған денелердің ең көп саны Читванда тіркелген – 259, одан кейін Шығыс Навалпараси – 184 және Батыс Навалпараси – 82. Горкхада 58 дене, Нувакотта – 52, Дхадингте – 50, Танахунда – 36 және Расувада – 13 адамның денесі табылды.
Көптеген мәйіт Бхотекоши мен Тришули өзендерінің бойымен ағын су адамдар мен қиындыларды ағызып әкеткеннен кейін жүздеген шақырым төменнен табылды.
Расувада хабар-ошарсыз кеткендер саны әсіресе жоғары: аудандық билік орналасқан жері белгісіз болып отырған 562 адам туралы хабарлады. Нувакотта 115 адам, Макаванпурда 65 адам хабар-ошарсыз кеткен.
Жоғалғандар тізіміне сонымен қатар гидроэлектр станциясы жобасына қатысы бар 933 адам, 589 шетел азаматы және олармен бірге сапарда болған Непалдың 127 азаматы кіреді. Бұдан бөлек, күш құрылымдардың 85 қызметкері, соның ішінде Непал армиясының 45 әскери қызметшісі, Непал полициясының 27 қызметкері және Қарулы полиция күштерінің 13 қызметкері хабар-ошарсыз кеткендер тізімінде.
Үкімет 242 адамның жарақат алғанын, оның ішінде емделуді жалғастырып жатқандар мен ауруханадан шығарылғандар бар екенін хабарлады.
Құтқару жұмыстары зардап шеккен аудандарда жалғасуда. Қазіргі уақытта күштік құрылым өкілдері 8 186 адамды құтқарды.
Қаза тапқандар санының ауқымы құрбандардың жеке басын анықтауға тырысқан билік үшін де орасан зор қиындық туғызды. Жеке басы анықталмаған денелер сақтау мен идентификациялау үшін әртүрлі аудандардағы 21 ауруханаға жіберілді.
Айта кетейік осыған дейін Непалда табиғи апаттан кейін үш қазақстандық турист іздестіріліп жатқанын хабарлаған.
- Соңғы
-
-
-
- Тамыз, 30
-
-
-
-
-
-
-
-
-
-
-
-
-
-
-
Күнделікті жаңалықтар
31 тамыз 2026
