Бішкектегі «Мадина» базары өртенді
Бішкекте «Мадина» базарындағы өрт 400 шаршы метрге жуық аумақты шарпыды. Сөндіруге қаланың барлық өрт сөндіру көліктері жұмылдырылды, деп хабарлайды Кursiv.Media.
24.kg басылымының ақпаратына сүйенсек, Қырғызстан ТЖМ мәліметінше, оқиға орнында он өрт сөндіру есебі жұмыс істеп жатыр. Жағдайды бағалау және сөндіруді үйлестіру үшін дрон да тартылды. Базарға «Тазалық» муниципалдық кәсіпорнының үш су тасығыш көлігі және жедел жәрдемнің үш бригадасы жіберілді.
Өрт 30 тамыз күні таңертең контейнерлердің бірінде тұтанып, кейін сауда павильондарына жайылған. Бішкек қалалық ішкі істер басқармасының алдын ала болжамы бойынша, өрттің шығуына электр сымдарының қысқа тұйықталуы себеп болуы мүмкін.
Милицияның мәліметінше, зардап шеккендер жоқ. Өрт кезінде базар жұмыс істемеген: ол үш күнге жабылып, саудагерлер мәжбүрлі демалысқа жіберілген еді.
Өрт оқшауланды. Құтқарушылар өрттің қалған ошақтарына жету үшін жабық контейнерлерді ашуды жалғастыруда.
- Соңғы
-
-
-
- Тамыз, 30
-
-
-
-
-
-
-
-
-
-
-
-
-
-
-
Күнделікті жаңалықтар
31 тамыз 2026
