inDrive Қазақстанда 33 мың жүргізушінің аккаунтын бұғаттады
Биыл Қазақстандағы қалааралық бағыттарда болған жол-көлік оқиғаларының 66%-ына жүргізушілер кінәлі болған. inDrive мәліметінше, негізгі себептердің қатарында жылдамдықты шамадан тыс арттыру, көлікті басқаруды жоғалту, арақашықтықты сақтамау және қауіпті маневр жасау бар.
Осыған байланысты сервис еліміздің әр өңірінен келген 100-ден астам жүргізушіге жол қауіпсіздігі бойынша офлайн тренинг өткізді.
Қазақстандағы жол-көлік оқиғаларының 91%-ы жол қозғалысы ережелерін өрескел бұзудан болады. Бұл туралы Көлік министрлігінің мәліметінде айтылған.
Қалааралық бағыттарда негізгі қауіптерге жүргізушінің шаршауы мен көлік жүргізіп келе жатып қалғып кетуі де жатады. Мұндай жағдайда жүргізушінің зейіні төмендеп, жолдағы жағдайды бақылауы қиындайды.
Тренинг барысында жүргізушілерге қауіпсіз жылдамдық пен арақашықтықты сақтау, көлік жүргізу кезінде телефон пайдаланбау, шаршаудың белгілерін дер кезінде байқау және ұзақ сапар кезінде үзіліс жасау қажеттігі түсіндірілді.
Қатысушылар жолаушылармен туындауы мүмкін жанжалдар мен жеке шекараны сақтау мәселелерін де талқылады. Қауіп төнген жағдайда қосымшада SOS батырмасы және тәулік бойы жұмыс істейтін қолдау қызметі бар.
Оқыту қауіпсіздікті қамтамасыз етудің технологиялық шараларын толықтырады. Компания 30-дан астам қауіпсіздік құралын қолданады. Олардың қатарында жылдамдықты шамадан тыс арттыруды және жүргізушінің шаршау белгілерін бақылау, сондай-ақ жанжал жағдайларын талдау үшін сапарларды аудиожазбаға түсіру жүйесі бар.
Жүргізушілер мен көліктер де тұрақты түрде бірнеше кезеңнен тұратын бақылаудан өтеді. Бұл ретте жүргізушінің құжаттары мен көліктің техникалық қызмет көрсетуі тексеріліп, фотобақылау жүргізіледі.
Соңғы бір жылда inDrive жүргізушіні немесе көлікті ауыстыру, сондай-ақ пайдалануға тыйым салынған оң рульді көліктерді қолдану жағдайларына байланысты шамамен 33 мың аккаунтты бұғаттаған.
Сонымен қатар сапарлар сақтандырылған. Сапар кезінде жүргізуші мен жолаушылардың өмірі мен денсаулығы 4 миллион теңгеге дейін сақтандырылған.
Компанияның мәліметінше, жүргізушілерге арналған мұндай оқыту қауіпсіздік бағытындағы тұрақты жұмыстың бір бөлігіне айналды. Ол сапарларды бақылау және оқыс жағдайларға жедел әрекет ету технологияларын толықтыруға бағытталған.
Еске салайық, Қазақстанда міндетті автосақтандыру бағасы жүргізушінің тәжірибесі мен көліктің ерекшеліктеріне қарай өзгеруі мүмкін. Жаңа тәсілге сәйкес, сақтандыру компаниялары бірыңғай тарифпен шектелмей, әр жүргізуші мен көліктің жеке ерекшеліктерін ескере алады.
- Соңғы
-
-
-
-
-
-
-
-
-
- Тамыз, 31
-
-
-
-
-
-
-
-
-
Күнделікті жаңалықтар
1 қыркүйек 2026
