«Ордабасы» мерзімінен бұрын Қазақстан Премьер-лигасының чемпионы атанды
Шымкенттің «Ордабасы» футбол клубы Қазақстан Премьер-лигасының 2026 жылғы маусымында чемпион атанды, деп хабарлайды Kursiv Media.
Молдовалық маман Андрей Мартин жаттықтыратын «Ордабасы» 29 матчтан кейін 68 ұпай жинап, турнир кестесінде көш бастады. 25 қазанда алматылық «Қайрат» сырт алаңда «Ақтөбемен» кездесіп, 2:2 есебімен тең түсті. Осы нәтижеден кейін алматылық клубтың еншісінде 64 ұпай болды.
Чемпионаттың аяқталуына бір тур қалғандықтан, «Қайрат» енді «Ордабасыны» қуып жете алмайды. Осылайша, шымкенттік команда соңғы турдың нәтижесіне қарамастан ел чемпионы атанды.
Шымкенттік клуб Қазақстан Премьер-лигасының алтын медалін өз тарихында екінші рет жеңіп алды. Бұған дейін «Ордабасы» 2023 жылы алғаш рет ел чемпионы атанған болатын.
Одан кейінгі екі маусымда, яғни 2024 және 2025 жылдары чемпиондық атақты алматылық «Қайрат» иеленді. Биыл шымкенттік клуб үш жылдық үзілістен кейін қайтадан ел біріншілігінің жеңімпазы атанды.
Сонымен қатар «Ордабасы» биыл Қазақстан кубогын да жеңіп алуға мүмкіндік алды. Команда 7 қарашада Түркістандағы «Түркістан Арена» стадионында өтетін финалда Қызылорданың «Қайсар» клубымен кездеседі.
Ал «Қайрат» 2026 жылғы Қазақстан чемпионатын күміс жүлдемен аяқтайды. Қола медаль үшін елордалық «Астана» мен Көкшетаудың «Оқжетпес» клубтары таласады.
- Соңғы
- Қазан, 25
-
-
-
-
-
-
-
-
-
-
- Қазан, 24
-
-
-
- Қазан, 23
-
-
-
-
-
Күнделікті жаңалықтар
26 қазан 2026
