Атырауда 17 жастағы оқушыға хат жазған НЗМ мұғаліміне қатысты тексеріс басталды
Атыраудағы Назарбаев Зияткерлік мектебі 17 жастағы оқушы қызға хат жазған 34 жастағы бастапқы әскери дайындық мұғаліміне қатысты тексеріс бастады, деп хабарлайды Kursiv.Media .
Оқиға Threads әлеуметтік желісіндегі жазбадан кейін белгілі болды. Автордың айтуынша, педагог оның сіңлісінің телефон нөмірін сыныптасынан алып, оған үнемі хабарласып, кездесуге шақырған. Ер адам өз әрекетін «жай әзіл» деп түсіндіріп, барлығымен осылай сөйлесетінін айтқан. Оқушының ата-анасы мектеп басшылығына шағымданып, ресми тергеу жүргізуді талап етіп отыр.
«АқЖайық» басылымының жазуынша, мектеп әкімшілігі бұл жағдайды жіті бақылауға алған.
«Оқушыларды қорғау жөніндегі қолданыстағы саясатқа сәйкес мектептің қауіпсіздік қызметі жарияланымда көрсетілген мән-жайларды қарауды бастады. Жағдай басшылықтың бақылауында», – деп хабарлады Атырау қаласындағы Назарбаев Интеллектуалдық мектебі.
Мектеп тексеріс қорытындысы бойынша заңнамаға және ішкі регламентке сәйкес тиісті шаралар қабылданатынын жеткізді.
Айта кетейік, осыған дейін Назарбаев Зияткерлік мектептеріне бюджеттен қанша қаржы бөлінетіні туралы жазған едік.
- Соңғы
Күнделікті жаңалықтар
23 қазан 2026
