Қазақстандық велошабандоздар Азия Пара ойындарында төртінші алтындарын жеңіп алды
Қазақстан құрамасы Жапонияда өтіп жатқан V Азия Пара ойындарында пара велоспорттан тағы екі алтын медаль жеңіп алды. Наиль Ермұханбет пен Руслан Әлиев, сондай-ақ Анастасия Калаус пен Полина Братчикова жұптары шосседегі жарыста қарсыластарынан озып шықты, деп хабарлайды Kursiv Media.
23 қазанда Аичи–Нагояда өтіп жатқан Азия Пара ойындарында қазақстандық спортшылар пара велоспорттың B класындағы жарыстарында үздік нәтиже көрсетті.
Ерлер арасындағы шосселік жарыста тандем-стокер Наиль Ермұханбет пен оның пилоты Руслан Әлиев мәреге бірінші болып жетті. Қазақстандық спортшылар қашықтықты 2 сағат 1 минут 21 секундта еңсеріп, алтын медаль жеңіп алды.
Бұл – Наиль Ермұханбет пен Руслан Әлиевтің биылғы Азия Пара ойындарындағы екінші алтын жүлдесі. Бұған дейін олар жеке уақытқа жарыста да чемпион атанған болатын.
Әйелдер арасындағы B класындағы шосселік жарыста Анастасия Калаус пен оның пилоты Полина Братчикова жеңіске жетті.
Қазақстандық жұп қашықтықты 2 сағат 5 минут 47 секундта жүріп өтіп, қарсыластарын артта қалдырды.
Бұл – Анастасия Калаус пен Полина Братчикованың Азия Пара ойындарындағы екінші алтын медалі. Бұған дейін олар жеке уақытқа жарыста да топ жарған еді.
Осылайша, Қазақстан құрамасы V Азия Пара ойындарында пара велоспорттан төрт алтын медаль жеңіп алды.
Анастасия Калаус пен Полина Братчикованың жеңісінен кейін Қазақстанның жалпы алтын медаль саны 12-ге жетті.
Айта кетейік, V Азия Пара ойындары Жапонияда 24 қазанға дейін жалғасады.
- Соңғы
-
-
-
-
-
-
-
-
- Қазан, 22
-
-
-
-
-
-
-
-
-
-
Күнделікті жаңалықтар
23 қазан 2026
