«Қайрат» – «Панатинаикос» ойынын қайдан көруге болады
Бүгін, 22 қазанда алматылық «Қайрат» УЕФА Конференция лигасының жалпы кезеңіндегі екінші турда Грекияның «Панатинаикос» клубымен кездеседі. Ойын Алматының Орталық стадионында сағат 19:30-да басталады, деп хабарлайды Kursiv Media.
«Қайрат» – «Панатинаикос» ойынын жанкүйерлер Qazsport телеарнасынан тікелей эфирде тамашалай алады.
Алматылық клуб Конференция лигасының жалпы кезеңін сырт алаңдағы тең нәтижемен бастаған. Бірінші турда «Қайрат» Латвияның «Рига» командасымен 1:1 есебімен тең түсті.
Ал «Панатинаикос» алғашқы турда Босния және Герцеговинаның «Борац» клубын өз алаңында 2:1 есебімен жеңді. Грекиялық команда сапында Сирил Дессерс пен Кингс Кангва гол соқты.
Конференция лигасындағы алғашқы турдан кейін екі клуб та өз елдерінің чемпионатында матч өткізді.
«Қайрат» Қазақстан Премьер-лигасында Павлодардың «Ертіс» командасын 5:0 есебімен ойсырата жеңді. Ал «Панатинаикос» Грекия чемпионатында «Астерасты» 5:1 есебімен ұтты. Осылайша, екі команда да еурокубоктағы екінші кездесуіне ішкі чемпионаттағы ірі жеңістен кейін шығады.
Айта кетейік, бұған дейін «Қайрат» – «Панатинаикос» кездесуіне билеттер сатылымға шыққан болатын. Матч 22 қазанда сағат 19:30-да басталады.
- Соңғы
- Қазан, 22
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
23 қазан 2026
