Қазақстандағы 23 банк кімге тиесілі?(инфографика)

22.10.2026, 11:59 kz.kursiv.media

Қазақстан банктерінің акционерлері арасында отандық кәсіпкерлер, мемлекеттік холдинг, шетелдік қаржы топтары және халықаралық қорлар бар. Kursiv Media KASE мен банктердің ресми деректеріне сүйеніп, 23 банктің меншік құрылымын жинақтадық.

Материал 2026 жылғы 22 қазанда тексерілген ашық ақпарат негізінде дайындалды. KASE-де жарияланған банктер бойынша 1 қазандағы акционерлер кестесі пайдаланылды. Қалған банктердің мәліметі ресми сайттары мен қаржылық есептерінен алынды. Сондықтан барлық дерек бір есептік күнге тиесілі емес.

Halyk Bank-тің айналымдағы жай акцияларының 61,92%-ы «АЛМЭКС» холдингтік тобына тиесілі. Тағы 34,94%-ы The Bank of New York Mellon арқылы номиналды ұстауда тұр. Бұл банк аталған пакеттің түпкі меншік иесі дегенді білдірмейді: номиналды ұстаушы акцияларды инвесторлардың атынан есепке алады. Өзге ұстаушылардың үлесі — 3,14%.

Қазақстан • Банк секторы

Ірі және жарияланған акционерлер

Тексерілген күні: 22 қазан 2026

KASE-де бар банктер үшін 01.10.2026 кестесі алынды. Қалған банктерде ресми сайт немесе есеп пайдаланылды. Әр карточкада дерек күні көрсетілген.

жай акциялар

BNY Mellon – түпкі меншік иесі емес.

есепте көрсетілген үлес

2026 II тоқсан ескертпесінде үлестер кестесі жоқ.

жай акциялар

Барлық орналастырылған акциялардағы үлесі: 97,77%.

жай акциялар

Катар

жай акциялар

KASE осы күні ≥10% иелерді ғана ашады.

дауыс беретін акциялар

Freedom Holding Corp. тобы

жай акциялар

9,9% үлесі банктің ресми сайтынан.

жай акциялар

дауыс беретін акциялар

АҚШ

жалғыз акционер

Оңтүстік Корея

капиталдағы үлес

Қытай: ICBC-нің жылдық есебі

жалғыз акционер

Қытай

жай акциялар

Барлық орналастырылған акциялардағы үлесі: 86,42%.

жай акциялар

Миноритарлар: сайттағы дөңгелектелген үлестер. Шкала 100%-ға нормаланған; төменде жарияланған жуық үлестер берілген.

жай акциялар

Түркия

жай акциялар

Ресей

капиталдағы үлес

БАӘ

капиталдағы үлес

75% – есептік күннен кейінгі мәміле; нақты күні жоқ.

капиталдағы үлес

Оңтүстік Корея: KRX-тағы ресми ашып көрсету

Пайызды қалай оқу керек? Көрсетілген үлестер банктің өзіндегі тікелей акционерлерге қатысты. Жай акциялар мен барлық орналастырылған акциялардағы үлестерді араластырмаңыз. «Өзге» — қалдық үлес; ол міндетті түрде еркін айналым емес. Номиналды ұстаушы түпкі меншік иесін білдірмейді.

«Сайт» — тексеру күні, реестрдің есептік күні емес. Бұл барлық банк үшін бір күнге жасалған толық реестр емес. KMF миноритарларының үлестері дөңгелектелген, сондықтан қосындыда айырма болуы мүмкін.

Zaman Bank: 31.12.2025-де Алан Абгужиновтың үлесі 65%, А. Жексембиевтің үлесі 10% болған. 2025 жылғы есептің 30-ескертпесінде Жексембиевтің акциялары Абгужиновқа өтіп, оның үлесі 75%-ға жеткені көрсетілген. Мәміленің нақты күні ашылмаған.

KASE: эмитент парағының «Акционеры» бөліміне қызмет көрсететін ашық деректер, есептік күн — 01.10.2026. Жай акциялардағы үлес қолданылды; кей банктерде база банктің өзі сатып алған акцияларды шегереді.

Kaspi Bank: 2025 жылғы жеке есептің баспа нөмірі 12-бет. 2026 II тоқсан ескертпесінде жаңа пайыздық кесте жоқ. Холдинг акционерлерінің үлестері банк үлестерімен теңестірілген жоқ.

Логотиптер тиісті құқық иелеріне тиесілі. Деректердің негізі: KASE, банктердің ресми сайттары және есептері, KRX. Логотиптер: Jaisandar ашық активтері; BCC, Altyn, KMF және Zaman — ресми сайттардан.

Kaspi Bank-тің 2025 жылғы жеке қаржылық есебінде Kaspi Group үлесі 94,4%, Kaspi.kz үлесі 4,55% деп көрсетілген. Қалған 1,05%-ы өзге акционерлерге тиесілі. Банктің 2026 жылғы екінші тоқсандағы түсіндірме есебінде акционерлер үлесінің жаңа кестесі берілмеген.

Банк ЦентрКредиттің жай акцияларының 51,76%-ын Бақытбек Байсейітов, 11,92%-ын Владислав Ли иеленеді. Қалған акционерлердің жиынтық үлесі — 36,32%. реккөз: KASE.

ForteBank-те Бұлат Өтемұратовтың айналымдағы жай акциялардағы үлесі 91,43%-ға жеткен. Өзге акционерлерге 8,57% тиесілі. Ал Home Credit Bank-тің жалғыз акционері — ForteBank.

Alatau City Bank-тің айналымдағы жай акциялары толығымен United Group Alatau компаниясына тиесілі. Оның барлық орналастырылған акциялардағы үлесі — 97,77%. Бұл айырмашылық акция түрі мен есептеу базасына байланысты.

Нұрбанктің айналымдағы жай акцияларының 87,87%-ы JP Finance Group компаниясына тиесілі. Өзге акционерлердің жиынтық үлесі — 12,13%. Барлық орналастырылған акцияларды есептегенде JP Finance Group үлесі 86,42% болады.

Bank RBK-нің негізгі акционері — КСС Финанс. Компания банктің жай акцияларының 84,81%-ын иеленеді. Қалған 15,19%-ы өзге акционерлерге тиесілі. KASE-нің осы күнгі кестесінде кемінде 10% үлесі бар акционерлер ғана көрсетілген.

Еуразиялық банктің жалғыз акционері — «Еуразиялық қаржы компаниясы». Отбасы банктің 100% акциясы «Бәйтерек» ұлттық инвестициялық холдингіне тиесілі.

Freedom Bank-тің дауыс беретін акцияларының 100%-ын «Фридом Финанс» АҚ иеленеді. Банк Freedom Holding Corp. тобына кіреді. Мұнда банктің тікелей акционері мен холдинг тобын ажырата қарау қажет.

Bereke Bank толығымен катарлық Lesha Bank-ке тиесілі. Altyn Bank-тің акционерлері — China CITIC Bank, Halyk Bank және China Shuangwei Investment. Олардың үлестері тиісінше шамамен 50,1%, 40% және 9,9%.

Citibank Kazakhstan-ның дауыс беретін акцияларының 100%-ы Citibank, N.A. банкіне тиесілі. Shinhan Bank Kazakhstan-ның жалғыз акционері — оңтүстіккореялық Shinhan Bank.

Қытайлық банктердің еншілес ұйымдары да бар: ICBC Almaty толығымен Industrial and Commercial Bank of China Limited-ке, Bank of China Kazakhstan Bank of China Limited-ке тиесілі.

KZI Bank-тің жай акцияларының 99,92%-ын түркиялық Ziraat Bankası иеленеді. ВТБ Қазақстанның жалғыз акционері — ресейлік Банк ВТБ. ADCB Ислам Банкі толығымен Abu Dhabi Commercial Bank-ке тиесілі. Ал BNK Commercial Bank-тің 100% акционері — оңтүстіккореялық BNK Capital.

KMF Банктің негізгі акционері — «KMF-Демеу» корпоративтік қоры. KASE дерегінде оның үлесі 60,44% деп көрсетілген. Банктің сайтында миноритарлық акционерлер ретінде MultiConcept Fund Management, Legal Owner Emerging Markets, KAZ Finance және Legal Owner Triodos Funds аталады. Олардың жарияланған, дөңгелектелген үлестері — 9,9%, 6,7%, 6,7% және 6,2%.

Zaman Bank-тің 2025 жылғы есебінде Алан Абгужиновтың үлесі 65% болған. Алайда есептің кейінгі оқиғалар бөлімінде А. Жексембиевтің акциялары Абгужиновқа өтіп, оның үлесі 75%-ға жеткені жазылған. Қалған үлестер Ю. Гусевке — 10%, Н. Расковаловқа — 10% және Жеке секторды дамыту жөніндегі ислам корпорациясына — 5% тиесілі. Мәміленің нақты күні есепте көрсетілмеген.

Толық оқыңыз…