Жеке деректерді таратқан: Meta компаниясына 25 млрд доллар айыппұл салынды
Meta компаниясына 25 миллиард доллар айыппұл салынды. Судья Meta-ға 219 миллиард доллардан астам айыппұл кесуге негіз бар деп тапқанымен, айыппұл сомасын 25 млрд долларға дейін азайтты, деп жазады Reuters.
Бұл – АҚШ тарихындағы ең ірі айыппұлдардың бірі. Алқабилер компания жасаған 26 мәлімдемені жалған деп таныды. Meta бұл шешімге шағым түсіруді жоспарлап отыр.
Компанияға қатысты айыптаулар 2016 жылы басталған болатын. Ол кезде «Cambridge Analytica» фирмасы миллиондаған Facebook пайдаланушысының дерегін рұқсатсыз алған еді. Бұл фирма Дональд Трамптың сайлау науқанына қатысқан. Нью-Мексико штаты Meta-ны тұтынушыларға жеке деректердің құпиялылығы туралы өтірік айтты деп сотқа берді.
Судья Фрэнсис Мэтью өз бұйрығында:
«Facebook-тің заңсыз әрекеттері жылдар бойы жалғасты. Ол халыққа жүйелі түрде таратылды. Бұл – компанияның негізгі жұмыс тәсілі», — деп жазады.
Судья заң бойынша 219 миллиард доллардан астам айыппұл салуға болатынын айтты. Алайда ол бұл соманы 25 миллиард долларға дейін азайтты.
Meta-ның бас заңгері Си Джей Махони компанияның апелляцияда жеңетініне сенімді.
«Бұл шешім Нью-Мексикода бизнес жүргізуді мүмкін емес етеді. Шын мәнінде, бұл сот талабы сөз бостандығына салық салғысы келеді. Олар интернетте адамдардың не айтатынына жаңа ереже енгізгісі келеді», — деді Махони.
Нью-Мексиконың Бас прокуроры Рауль Торрез бұл айыппұлды АҚШ тарихындағы ең ірі санкциялардың бірі деп атады.
Бұған дейін, 2019 жылы Meta деректерді заңсыз таратқаны үшін АҚШ-тың Федералды сауда комиссиясына 5 миллиард доллар төлеген еді.
Ал тамыз айында Meta балалар мен жасөспірімдердің психикасына зиян келтірді деген айып бойынша АҚШ штаттарымен сот дауын реттеу үшін шамамен 18 млрд доллар төлеуге келісті.
Бұған дейін Дональд Трамп Meta технологиялық компаниясының 25 миллион доллар болатын акцияларын сатып алған.
- Соңғы
-
-
-
-
-
-
-
-
-
-
-
-
-
-
-
- Қазан, 21
-
-
-
Күнделікті жаңалықтар
22 қазан 2026
