Алматы мен Астанадан Вьетнамның Фукуок аралына тікелей әуе рейстері ашылады
Қазақстандық туристер Вьетнамның Фукуок аралына Алматы мен Астанадан тікелей ұша алады. Sun PhuQuoc Airways әуе компаниясы Алматыдан 26 қазанда, ал Астанадан 27 желтоқсанда рейстерді іске қосуды жоспарлап отыр. Бұл туралы тасымалдаушының Қазақстандағы бас агенті Fun&Sun Kazakhstan туроператоры хабарлады.
Алматыдан ұшу аптасына бес ретке дейін орындалады. Бұл бағытта 183 жолаушыға арналған Airbus A321 ұшағы қатынайды. Сапар шамамен 7 сағат 30 минутқа созылады.
Астанадан Фукуокқа аптасына төрт рет ұшу жоспарланған. Бұл бағытта 247 жолаушыны тасымалдай алатын Airbus A330-200 кең фюзеляжды ұшағы пайдаланылады. Ұшу ұзақтығы – шамамен 7 сағат 45 минут.
Фукуок – Сиам шығанағында орналасқан Вьетнамның ең үлкен аралы. Ол тропикалық табиғатымен, құмды жағажайларымен және туристерге арналған инфрақұрылымымен ерекшеленеді. Аралда халықаралық қонақүй желілері, жағажай курорттары, тақырыптық саябақтар мен ірі ойын-сауық кешендері бар.
Тағы да оқыңыз: Қазақстандықтар үшін Вьетнамға кіру талабы өзгерді
- Соңғы
- Қазан, 22
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
23 қазан 2026
