«Шахтер» Бірінші лигадағы соңғы ойынында «Қайраттың» жастарынан жеңілді
Қарағандылық «Шахтер» Қазақстан Бірінші лигасының 2026 жылғы маусымын жеңіліспен аяқтады. Чемпионатты мерзімінен бұрын жеңіп алған команда соңғы турда «Қайрат-Жастарға» 2:3 есебімен есе жіберді, деп хабарлайды Kursiv Media.
22 қазанда Бірінші лиганың 26-туры аясында «Шахтер» өз алаңында алматылық «Қайраттың» жастар құрамасын қабылдады.
Тартысты өткен кездесуде қонақтар 3:2 есебімен жеңіске жетті. Осылайша, қарағандылық клуб маусымдағы үшінші жеңілісіне ұшырады.
Дегенмен бұл нәтиже «Шахтердің» турнир кестесіндегі орнына әсер еткен жоқ. Қарағандылық команда бұған дейін-ақ Бірінші лиганың чемпионы атанып, Қазақстан Премьер-лигасына жолдаманы қамтамасыз еткен.
«Шахтер» биылғы маусымда 26 матч өткізіп, 21 жеңіске жетті, екі рет тең ойнады және үш кездесуде жеңілді. Команда 65 ұпай жинап, турнир кестесінде бірінші орын алды.
Ал «Қайрат-Жастар» чемпионатты екінші орынмен аяқтады. Алматы клубының жастар құрамасы 26 кездесуде 19 жеңіске жетіп, алты рет тең ойнады және бір матчта жеңілді. Команда 63 ұпай жинады.
Осылайша, «Шахтер» Бірінші лиганың чемпионы ретінде келесі маусымда Қазақстан Премьер-лигасында өнер көрсету құқығына ие болып, ел футболының жоғары дивизионына қайта оралады.
- Соңғы
- Қазан, 22
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
23 қазан 2026
