Ұстаз болу – жүректің батырлығы... Ұстаз болу – адамның асылдығы

08.03.2022, 08:59 bilimdiler.kz

Ұстаз болу – жүректің батырлығы... Ұстаз болу – адамның асылдығы Жас ұрпакты тәрбиелеуші – ұстаз - оқытушы болмысына лайықты бола білу кез - келген адам қолынан келе бермейді. Себебі, жоғарыда айтылған ізгі қасиеттерді тұла бойына жиған талапты да талантты ұстаз болу жаратылыстан, адамдықтан бастау алатыны даусыз. «Ұстаз - оқытушы» деген ұлағатты ұғымға сипаттама берген ұлыларымыздың қанатты сөздеріндегідей үлкен жауапкершілік жүктейтін киелі мамандық иесі болу оңай ма?!... Осы орайда әлемнің екінші ұстазы атанған, әйгілі ойшыл, ұлы ғұлама Әбу Насыр Әл - Фарабидің нағыз ұстаздың басқалардан биік бейнесі сипатталған мына бір түйіні ойыма оралады. Онда былайша айтылған: Ұстаз ... Жаратылысынан өзіне айтылғанның бәрін жете түсінген, көрген, естіген және аңғарған нәрселердің бәрін жадында жақсы сақтайтын, еш нәрсені ұмытпайтын... алғыр да аңғарымпаз ақыл иесі..., мейлінше шешен, өнер - білімге құштар, аса қанағатшыл, жаны асқақ және ар - намысын ардақтайтын, жақындарына да, жат адамдарына да әділ,...., жұрттың бәріне... жақсылық пен ізгілік көрсетіп... қорқыныш пен жасқану дегенді білмейтін батыл, ержүрек болуы керек ... Сонымен қатар, өз қызметтерін абыройлы, алаңсыз атқару үшін ұшқыр ой, ашық көз, алғыр зейін, ояу көкірек қажеттігі де сөзсіз. Бүкіл саналы ғұмырын жоғары оқу орнында білім беру саласына арнаған, білімі мен біліктілігін іспен дәлдеген Есенов университетінің ардагері, "Энергетика және көлік" кафедрасының кауымдастырылған профессоры, техника ғылымдарының кандидаты Айсаев Сатжан ағайды сондай оқытушы - ұстаз десем кателеспейтін сияқтымын. Сатжан Ушканбаевич – ұлағатты ұстаз, шебер оқытушы ғана емес, мол тәжірибесін әріптестерімен бөлісе білетін, ізбасарларына үйретері көп тағылымды жан. «Сабақ бергенде үш нәрсені жетік білуіңіз керек: сіздің пәніңіз, сабақты кімге өткізесіз және тақырыпты қандай талғампаздықпен жеткізу керек» деген талаптарды ұстанған ол ғылым, білім және тәрбиені болмыс - тұрмыспен ұштастырып, әрбір ойын дәлелді жеткізіп, тақырыпты жан - жақты түсіндіруге тырысады. Сатжан ағай білімалушыларға тек мамандық бойынша білім берумен ғана шектелмей, әрбір студенттің бойына адамгершілік, мәдениет, тәрбие, әдет - ғұрып негіздерін сіңіру, яғни рухани дамуына көп көңіл бөлетінін ерекше атап айтқым келеді. Суйеуова Н. Б., аға оқытушы, Есенов Университеті

Толық оқыңыз…