Қазақстан теміржолында локомотивтердің жартысына жуығы тозған
Қазақстанда локомотивтердің 49 пайызы тозып тұр. Бұл жөнінде Көлік министрі Нұрлан Сауранбаев мәлімдеді.
Министрдің айтуынша, соңғы жылдары локомотивтер паркін жаңартуға бағытталған ауқымды бағдарлама іске асырылды. Қазір бұл жұмыс жүйелі түрде жалғасып, 2028 жылға дейін отандық өндірістегі жаңа локомотивтерді жеткізу жоспарланған.
Жүргізілген жаңарту шараларының нәтижесінде локомотивтердің тозу деңгейі 74%-дан 49%-ға дейін төмендеді. Сонымен қатар, парктың орташа жасы 30 жылдан 21 жылға қысқарған.
Жаңартылған локомотивтер отын тиімділігі бойынша да айтарлықтай нәтиже беріп отыр. Дизель шығыны 10 мың тонна-километрге шаққанда 42 кг-нан 24 кг-ға дейін азайды.
Әлемдегі жетекші өндіруші Wabtec деректеріне сәйкес, ҚТЖ локомотивтері 93 елдің ішінде ең тиімді көрсеткішке ие деп танылған.
Еске салайық, «Қазақстан темір жолы» ұлттық компаниясы (ҚТЖ) Қытай, АҚШ және Франциядан 24 жаңа локомотив сатып алды. Олар Астана, Атырау, Қарағанды, Маңғыстау және Жем деполарына берілді.
- Соңғы
-
-
-
-
-
-
-
-
-
-
-
-
-
- Маусым, 15
-
-
-
-
-
Күнделікті жаңалықтар
16 маусым 2026
