Тоқаев келесі апта Брюссельге ресми сапармен барады
Мемлекет басшысы Қасым-Жомарт Тоқаев 22-23 маусым күндері Брюссельге ресми сапармен барады. Ақорда мәліметінше, сапар Еуропалық Кеңес Президенті Антониу Коштаның шақыруымен өтеді.
Сапар аясында Қазақстан Президенті Еуропалық Кеңес Президенті Антониу Коштамен және Еуропалық комиссия Президенті Урсула фон дер Ляйенмен келіссөз жүргізеді. Кездесулерде Қазақстан мен Еуропалық Одақ арасындағы кеңейтілген серіктестік пен ынтымақтастықты одан әрі нығайту мәселелері талқыланады.
Сонымен қатар, Бельгия Премьер-министрі Барт де Вевермен кездесу де қарастырылған. Бұл кездесу Қазақстан мен Бельгия арасындағы екіжақты байланысты дамытуға, соның ішінде сауда, инвестиция және іскерлік әріптестікті кеңейтуге арналмақ.
Сонымен қатар Қасым-Жомарт Тоқаев ірі еуропалық компаниялар жетекшілерінің қатысуымен өтетін «Қазақстан – ЕО» дөңгелек үстелінде сөз сөйлейді. Мұндай формат Қазақстанның инвестициялық мүмкіндіктерін еуропалық бизнеске тікелей таныстыруға жол ашады.
- Соңғы
Күнделікті жаңалықтар
22 маусым 2026
