Ауғанстанда 4 миллион бала аштық қаупінде тұр - БҰҰ
Елдің 12 провинциясында кәмелетке толмағандардың арықтап, ауруханаға түсу көрсеткіші артып келеді. Олардың 80 пайызы екі жасқа толмаған балалар.
БҰҰ-ның ескертуі бойынша, егер халықаралық көмек көрсетілмесе, осы жылдың соңына қарай ауғанстандық төрт миллион бала ашаршылық қаупінде тұр.
Дәрігерлердің айтуынша, бұл жағдай баланың ағзасы өзін-өзі ішінен жоя бастауымен өте қауіпті. БҰҰ деректерінше, биыл жергілікті балалардың салмақ жоғалту көрсеткіші 75 пайызға артқан. Көбіне ата-аналар дәрігерлерге тым кеш көмек сұраған.
БҰҰ Дүниежүзілік азық-түлік бағдарламасының Ауғанстандағы өкілі Джон Эйлиффтің айтуынша, Таяу Шығыстағы дағдарыстың салдарынан миллиондаған әйел мен бала жіті тамақтанбаудан зардап шекті. Тіпті БҰҰ Дүниежүзілік азық-түлік бағдарламасынан азық-түлік алу үшін жергілікті медициналық орталықтарға үмітсіздікпен жүгінуде.
«Ауғанстандағы жас балалар шекті межеге жақындап қалды. Халықаралық ұйымдар мен волонтерлер бұл жағдайда дәрменсіз. Халықтың осал топтарына толыққанды, үздіксіз көмек көрсету үшін бізге шұғыл қаржыландыру қажет«, – дейді ЮНИСЕФ-тің Ауғанстандағы өкілі Таджудин Ойевале.
Ауғанстан тұрғындарына өмірлік қажетті көмек көрсету үшін БҰҰ Дүниежүзілік азық-түлік бағдарламасына 540 миллион доллар қажет. Әйтпесе, 2026 жылдың соңына қарай Ауғанстандағы шамамен 3,7 миллион бала, сондай-ақ 1,2 миллион жүкті әйел мен бала емізетін ана жіті тамақтанбаудан зардап шегетін болады. Жалпы алғанда, елде 20 миллионнан астам адам азық-түліктің жіті тапшылығы жағдайында отыр.
- Соңғы
-
-
-
-
-
-
-
-
- Тамыз, 17
-
-
-
-
-
-
-
-
-
-
Күнделікті жаңалықтар
18 тамыз 2026
