Қызанақ арзандап, қырыққабат қымбаттауда: бір аптада баға қалай өзгерді
Сауда және интеграция министрлігі әлеуметтік маңызы бар азық-түлік тауарларының бағасына қатысты жаңартылған мәліметтерді жариялады. Соңғы бір аптада қырыққабаттың бағасы айтарлықтай қымбаттаса, қызанақ пен қияр, керісінше арзандаған.
Министрлік дерегіне сәйкес, өткен аптада Қазақстанда әлеуметтік маңызы бар азық-түлік тауарларының 21 түрінің бағасы өзгерген. Алайда олардың басым бөлігінде өсім 1%-дан аспаған.
Ал күріш, нан және сүттің бағасы өткен аптамен салыстырғанда өзгеріссіз қалды.
Бірқатар маусымдық өнімнің бағасы өткен аптамен салыстырғанда төмендеді:
Қызанақ бағасы бірнеше апта қатарынан арзандап келеді. Бұған дейін Сауда және интеграция министрлігі маусым айының соңында да оның құны айтарлықтай төмендегенін хабарлаған болатын.
Жалпы бағаның өсуі тек төрт өңірде тіркелді:
Ал Астана, Алматы, Қарағанды облысы мен Жамбыл облысында баға өзгеріссіз қалды. Сонымен қатар еліміздің тағы 12 өңірінде азық-түлік бағасы 0,1–0,9% аралығында төмендеген.
Қызанақ бағасы жаз басталғалы бері біртіндеп төмендеп келеді. Сонымен бірге 1 шілдеден бастап Қазақстанда жаңа піскен және салқындатылған қызанақты импорттауға уақытша шектеу енгізілген.
Бұған дейін билік бұл шараның негізгі мақсаты – отандық жылыжай шаруашылықтарын қолдау екенін түсіндірген болатын. Қазіргі таңда мемлекет апта сайын әлеуметтік маңызы бар 31 азық-түлік тауарының бағасына мониторинг жүргізеді.
Айта кетейік, Қазақстан үкіметі биыл елдегі инфляция деңгейін 10 пайыздан асырмауға ниетті. Маусымдағы инфляция көрсеткіші 10,3 пайызды құраған.
- Соңғы
Күнделікті жаңалықтар
9 шілде 2026
