Алматыда бір айда екі үшем дүниеге келді
Алматы қалалық Перинаталдық орталығында бір айдың ішінде екі үшем дүниеге келді.
Бұл туралы Алматы қаласының Қоғамдық денсаулық сақтау басқармасы хабарлады.
14 тамызда 27 жастағы алматылық Мөлдір Советханова екі ұл мен бір қыз босанды. Үшемдер жүктіліктің 32-аптасында кесарь тілігі арқылы дүниеге келген. Сәбилерге Айхан, Айбын және Айза деген есім берілді. Туған кездегі салмақтары 1800, 1480 және 1400 грамм болды.
Дәрігерлердің көмегімен балалардың жағдайы тұрақтандырылып, олар жансақтау бөлімінде қажетті ем алды. Қазір сәбилер мамандардың бақылауында.
31 тамызда осы орталықта екінші үшем дүниеге келді. Рахат Бигелдиева екі қыз бен бір ұлды босанды. Сәбилер де жүктіліктің 32-аптасында кесарь тілігі арқылы туған.
Нәрестелердің салмағы 1998, 1412 және 1347 грамм болды. Қазір олар жансақтау және қарқынды терапия бөлімінде ем алып жатыр. Дәрігерлер сәбилердің жағдайын бақылап, қажетті тыныс алу қолдауын көрсетуде.
Мамандардың айтуынша, шала туған нәрестелерге алғашқы күндерден бастап тиісті медициналық көмек көрсетіліп жатыр. Енді балалардың салмақ қосып, күш жинауы қажет.
2026 жылдың басынан бері Алматы қалалық Перинаталдық орталығында төрт үшем дүниеге келген. Алғашқы екі үшем қаңтар және ақпан айларында туған.
Алматыда мамыр айында 2026 жылдың басынан бері үш үшем дүниеге келгені хабарланған еді.
- Соңғы
-
-
-
-
- Қыркүйек, 06
-
-
-
-
-
-
-
-
-
-
-
-
- Қыркүйек, 05
-
-
Күнделікті жаңалықтар
7 қыркүйек 2026
