Жарақат алған Дастан Сатпаевтың алаңға қашан оралатыны белгілі болды
«Бернли» клубының бас бапкері Ники Хайен Қазақстан құрамасының шабуылшысы Дастан Сатпаевтың жағдайына қатысты пікір білдірді.
Аmanvibe ақпаратына қарағанда, ол Англия чемпионатының (Чемпионшип) бесінші турында «Бристоль Ситиге» қарсы өткен матчтан (1:2) кейін мәлімдеме жасаған.
Бельгиялық маманның айтуынша, 18 жастағы қазақстандық футболшы жарақатына байланысты бірнеше апта ойынға қатыса алмайды.
«Өкінішке қарай, ол бірнеше аптаға қатардан шықты. Бұл – назар аударуды қажет ететін белгілердің бірі. Бұған дейін айтқанымдай, ол маусым алдындағы дайындықтан өтті. Бірақ дайындығы толыққанды болған жоқ. Біз ойыншыларға қажетті жүктемені беруге тырысамыз, сонымен қатар оларды шамадан тыс жүктемеден қорғауға күш саламыз. Мұнда дұрыс тепе-теңдікті табу қажет», – деді Хайен.
Еске салайық, Чемпионшиптің алдыңғы турында Сатпаев «Бернли» сапында «Мидлсброға» қарсы матчты (1:1) негізгі құрамда бастап, кездесудің үздік ойыншысы атанды. Қазақстандық шабуылшы ойынның 81-минутында алаңнан шыққан кезде жамбасының артқы тұсын ұстап тұрған.
Айта кететін жайт, Дастан Сәтбаев ағылшындық «Бернли» клубының баспасөз қызметіне берген сұхбатында командадағы алғашқы әсерлерін айтып берді.
- Соңғы
-
-
-
-
- Қыркүйек, 06
-
-
-
-
-
-
-
-
-
-
-
- Қыркүйек, 05
-
-
-
Күнделікті жаңалықтар
7 қыркүйек 2026
