НАТО алғаш рет АҚШ-тың қатысуынсыз әскери оқу-жаттығу өткізді
НАТО-ның Northern Viking әскери оқу-жаттығулары Исландия жағалауында өтті. Бұл – АҚШ әскери күштері қатыспаған алғашқы оқу-жаттығу.
Politico басылымының жазуынша, жаттығу барысында Ресейдің суасты қайықтарын анықтау және жою тәсілдері пысықталды.
Жыл сайынғы Northern Viking маневрлері 21 тамыз бен 4 қыркүйек аралығында Исландия жағалауында өтті.
АҚШ Қорғаныс министрлігі мен Ақ үй әзірге бұл жағдайға қатысты пікір білдірген жоқ. Биылғы оқу-жаттығуға, атап айтқанда, Германия Әскери-әуе күштерінің барлау ұшақтары, Бельгияның жойғыш ұшақтары және Канаданың әскери кемелері қатысты.
Бұған дейін Америка Құрама Штаттары бұл маневрлерге бірнеше ондаған жыл бойы жетекшілік етіп келген. Ал биыл америкалық тарап тек оқу-жаттығуды жоспарлауға көмектесіп, Кеблавик әуежайының әскери бөлігінде жаңа нысандар салды.
«Мұндай оқу-жаттығулар Солтүстік Атлантикадағы тұрақты әскери қатысудың негізін қалайды», – деп атап өтті Солтүстік Атлантикалық альянстың ресми өкілі Тимоти Пьетрак.
Оның сөзіне қарағанда, бұл – НАТО-ның одақтас аумағының «әрбір сантиметрін» қорғауға және альянс қауіпсіздігі талап ететін кез келген жерде әрекет етуге дайын екенінің дәлелі.
Тауда НАТО жойғыш ұшақтары Латвияға Ресейден кірген дронды атып түсірген болатын.
- Соңғы
-
-
-
-
- Қыркүйек, 06
-
-
-
-
-
-
-
-
-
-
-
- Қыркүйек, 05
-
-
-
Күнделікті жаңалықтар
7 қыркүйек 2026
