Тракторшы минаға түсіп, жарылды
2026 жылғы 5 қыркүйекте Әзербайжанның Агдам ауданындағы Чеменли-Сарыджалы ауылы аумағында мина жарылды.
АПА агенттігінің хабарлауынша, бұл туралы Әзербайжан Республикасы Ішкі істер министрлігінің, Бас прокуратурасының және Әзербайжан Республикасының Миналарды залалсыздандыру агенттігінің (ANAMA) баспасөз қызметтері мәлімдеді. Бұл аймақ бұрын армян оккупациясында болған.
Мәліметке сәйкес, 1972 жылы туған, Агджабеди ауданы Шотланлы ауылының тұрғыны Эльмдар Хан оглы Сариев басқарған трактор мина қойылған, залалсыздандырылмаған аумақта минаға түсіп, жарылған.
Оқиға салдарынан Э. Сариев жарақат алды.
Осы факті бойынша Агдам аудандық прокуратурасында тергеу амалдары жүргізіліп жатыр.
ANAMA, Әзербайжан Республикасының Ішкі істер министрлігі және Бас прокуратурасы азаматтарды қауіпсіздік ережелері мен мина қаупі туралы ескертетін белгілердің талаптарын қатаң сақтауға, күдікті заттарға қол тигізбеуге, бейтаныс аумақтарға және қауіпті учаскелер қоршалып жатқан жерлерге кірмеуге шақырады.
Былтыр сәуір айында Қазақстанда Есіл – Арқалық учаскесіндегі теміржол өткелінде пойыз бен трактор соқтығысып, тракторшы қаза тапқан еді.
- Соңғы
-
-
- Қыркүйек, 05
-
-
-
- Қыркүйек, 04
-
-
-
-
-
-
-
-
-
-
-
-
-
Күнделікті жаңалықтар
6 қыркүйек 2026
