Әлібек Қуантыров Экология және табиғи ресурстар министрі болып тағайындалды
Әлібек Қуантыров Экология және табиғи ресурстар министрі болып тағайындалды. Тиісті жарлыққа президент Қасым-Жомарт Тоқаев қол қойды.
«Әлібек Сакенұлы Қуантыров Қазақстан Республикасының Экология және табиғи ресурстар министрі болып тағайындалсын, ол бұрынғы атқарған лауазымынан босатылсын», – делінген президент жарлығында.
Ол бұған дейін ведомствоны басқарған Ерлан Нысанбаевтың орнын алмастырды. Ерлан Нысанбаев Экология және табиғи ресурстар министрі лауазымына 2023 жылғы 5 қыркүйекте тағайындалып, 2024 жылғы ақпанда қайта тағайындалған еді.
Әлібек Қуантыров еңбек жолын 2005 жылы Экономика және бюджеттік жоспарлау министрлігінде бастаған. Кейін мемлекеттік органдарда түрлі лауазымдар атқарып, Стратегиялық жоспарлау және талдау департаменті, Қаржы министрлігі, Президент Әкімшілігі секілді құрылымдарда жұмыс істеді.
2021 жылы Ұлттық экономика вице-министрі, ал 2022 жылғы қаңтарда Ұлттық экономика министрі болып тағайындалды. Бұл қызметті 2024 жылғы ақпанға дейін атқарды.
2024 жылғы сәуірден бастап «KAZENERGY» қауымдастығының бас директоры болды. Кейін Қазақстан Республикасы Сыртқы істер министрінің орынбасары қызметін атқарды.
Қуантыров қазақ, орыс, ағылшын, испан және неміс тілдерін меңгерген.
- Соңғы
- Қыркүйек, 03
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
4 қыркүйек 2026
