Қорғаныс және Ішкі істер министрлері өз қызметтерін сақтап қалды
Президент жарлығымен Ішкі істер және Қорғаныс министрліктерінің басшылары қайта тағайындалды. Тиісті Жарлықтар Ақорданың ресми сайтында жарияланды.
Ержан Сапарбекұлы Сәденов ҚР Ішкі істер министрі лауазымына қайта тағайындалды. Осылайша, ол министр қызметін әрі қарай жалғастыратын болды.
«Ержан Сапарбекұлы Сәденов Қазақстан Республикасының Ішкі істер министрі лауазымына тағайындалсын», – делінген президент жарлығында.
Дәурен Жұматайұлы Қосанов та ҚР Қорғаныс министрі лауазымына қайта тағайындалды. Ол бұл қызметке алғаш рет 2025 жылғы 8 маусымда тағайындалған болатын.
Осы уақыт ішінде Қорғаныс министрі қызметін 1 жыл 2 ай 26 күн атқарып келген Қосанов ведомство басшысы ретіндегі жұмысын әрі қарай жалғастыратын болды.
«Дәурен Жұматайұлы Қосанов Қазақстан Республикасының Қорғаныс министрі лауазымына тағайындалсын», – делінген жарлықта.
Еске салайық, 2 қыркүйекте Қасым-Жомарт Тоқаевтың жарлығымен Мұхтар Бескенұлы Тілеуберді Қазақстан Республикасының Сыртқы істер министрі болып тағайындалды.
Мұның алдында президент Тоқаев Аида Балаеваны Қауіпсіздік кеңесі төрағасының орынбасары лауазымына тағайындаған еді.
- Соңғы
- Қыркүйек, 03
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
4 қыркүйек 2026
