Қытай маңындағы сел көшуінен 43 адам қайтыс болды
Қытай мен Непал шекарасындағы Гьиронг өткізу пункті маңында болған сел салдарынан кемінде 43 адам қаза тауып, 519 адам хабар-ошарсыз кеткен. Бұл туралы Синьхуа агенттігіне сілтеме жасаған Kursiv Media хабарлады.
Хабар-ошарсыз кеткендердің арасында 23 елдің 261 шетел азаматы бар. Апаттан кейін Қытай кең ауқымды іздеу-құтқару операциясын жүргізіп жатыр.
Сенбі күні сағат 18:00-дегі мәлімет бойынша, құтқару жұмыстарына 2,5 мыңнан астам адам мен 500-ден астам техника жұмылдырылған. Сондай-ақ дрондар 1 мыңнан астам рет ұшып, әуеден 5,43 тонна жүк жеткізілген.
Сел салдарынан шекара бекеті қирап, Қытайда жұмыс істейтін немесе бизнес жүргізетін көптеген непал азаматы ел аумағынан шыға алмай қалған. Гьиронг билігі шекара маңындағы 1 720 непал азаматына көмек көрсеткен.
Қытай билігі Непалға күн сайын ауа райы, гидрологиялық жағдай, мұздықтар мен мұздық көлдердің жай-күйі туралы жаңартылған ақпарат беріп отыр.
Еске салайық, тамыздың соңында Қытай мен Непал шекарасында жойқын сел көшіп, табиғи апат болды. Салдарынан қаза тапқандар саны 1287 адамға жетті. Әлі 5 мыңға жуық адам (оның ішінде 583 шетелдік) жоғалғандар тізімінде тұр.
- Соңғы
-
-
-
- Қыркүйек, 06
-
-
-
-
-
-
-
-
-
-
-
-
- Қыркүйек, 05
-
-
-
Күнделікті жаңалықтар
7 қыркүйек 2026
