Қызылордада 16 жастағы бойжеткенді өлтірген ер адам 20 жылға сотталды
Қызылорда облысының қылмыстық істер жөніндегі мамандандырылған ауданаралық соты кәмелетке толмаған бойжеткенді өлтіріп, денесін каналға тастап кеткен ер адамға қатысты үкім шығарды, деп хабарлайды Кursiv.Media.
Оқиға маусым айында Шиелі ауданында болған. Кәмелетке толмаған Балсұлу Өмірзақ 2 маусым күні кешке үйінен шығып кетеді, кейін қайта оралмаған. Келесі күні бойжеткеннің денесі Жақаев каналынан табылды. Полиция қылмыс жасады деген күдікпен жергілікті тұрғынды ұстады.
Тергеу барысында оның кінәсі толық дәлелденді. Сот отырысында айыпталушы өз кінәсін мойындап, жәбірленуші тараптан кешірім сұрады.
Сот қылмыстық істі ҚР Қылмыстық кодексінің 99-бабы 2-бөлігінің 14-тармағы – кәмелетке толмағаны көрінеу белгілі адамды өлтіру бойынша қарады.
«Сотталушының кінәсі өз жауабымен, жәбірленушілер мен куәгерлердің түсініктемелерімен, сараптама қорытындыларымен, бейнежазбамен, қылмыстық іс материалдарымен және заттай дәлелдемелермен расталды. Прокурор сотталушыға 20 жыл мерзімге бас бостандығынан айыру жазасын тағайындауды сұрады. Сот оған орташа қауіпсіздік мекемесінде жазасын өтеумен 20 жылға бас бостандығынан айыру жазасын тағайындады», – делінген хабарламада.
Бұдан бөлек, сотталған азаматтан моральдық зиянды өтеу ретінде 10 миллион теңге өндірілді.
Үкім заңды күшіне енген жоқ.
- Соңғы
-
-
-
-
- Қыркүйек, 06
-
-
-
-
-
-
-
-
-
-
-
-
- Қыркүйек, 05
-
-
Күнделікті жаңалықтар
7 қыркүйек 2026
