Қазақстанда енді қытайлық GAC машиналары құрастырылады
Қазақстанда енді қытайлық GAC автомобильдерін құрастырып, өндірісін толықтай елімізге бейімдемекші. Қытайда іс-сапармен жүрген премьер-министр Олжас Бектенов Guangzhou Automobile Group директорлар кеңесінің төрағасы Фэн Синьямен кездесіп, осындай келісімге келді.
Екі тарап кездесуде Қазақстанда автомобиль өндірісін дамыту мәселесін сөз етті. Жоба жүзеге асса, Қазақстанға GAC автомобильдерін сырттан дайын күйінде әкеліп сатпай, оны өз елімізде құрастыратын болады.
Алдағы екі жылда GAC зауытында кәдімгі бензинмен жүретін де, электр мен бензинді қатар тұтынатын гибридті де модельдерді қоса алғанда, барлығы 17 мың дана автокөлік шығару жоспарланып отыр.
GAC компаниясы – Fortune Global 500 рейтингіне кіретін Қытайдың ірі автомобиль өндірушісі. Түрлі брендтермен автокөліктің бірнеше түрін нарыққа шығарады. Мысалы, Trumpchi маркасымен жеңіл көліктерді, Gonow атауымен жеңіл және жүк көліктерін, Changfeng Motor брендімен жол талғамайтын көліктерді, ал GAC Bus маркасымен автобустарды саудалайды.
Айта кетейік, биыл ел нарығына Deepal мен Avatr көліктері де келеді. Екі бренд электромобильдер мен гибридті автоларын биыл күзде шығаруды жоспарлап отыр.
- Соңғы
-
-
-
- Маусым, 22
-
-
-
-
-
-
-
-
-
-
-
-
-
-
-
Күнделікті жаңалықтар
23 маусым 2026
