Си Цзиньпин үш күндік сапармен АҚШ-қа ұшып келді
ҚХР басшысы Си Цзиньпин үш күндік сапармен Вашингтонға барды. Оны және жұбайы Пэн Лиюаньді Дональд Трамп әуежайда қызыл кілеммен күтіп алды деп жазады Kursiv Media.
АҚШ Әскери-әуе күштерінің оркестрі ұшу-қону жолағында өнер көрсетіп, АҚШ пен Қытай тулары желбіреді. Одан әрі Трамп пен бірінші ханым Мелания Трамп Си Цзиньпин мен оның әйелін Мэриленд штатындағы Эндрюс бірлескен әскери базасында қарсы алды.
Екі тарап та бұл кездесуге үлкен үміт артып отыр. Си Цзиньпин Қытай мен АҚШ-тың «ұлы мемлекеттер», ал олардың халықтары «ұлы халықтар» екенін айтты деп жазады Қытайдың мемлекеттік ақпарат агенттігі Xinhua.
Си Цзиньпиннің делегация құрамында Қытай Коммунистік партиясы Саяси бюросы Тұрақты комитетінің мүшесі Цай Ци бар. Ол Си Цзиньпиннің ең жақын серіктерінің бірі ретінде бағаланады. Сондай-ақ делегация құрамында Қытай премьер-министрінің орынбасары Хэ Лифэн, сыртқы істер министрі Ван И, басқа да өкілдер мен Бейжіңнен келген елшілер бар.
Сапар бағдарламасын әзірлеуге Мелания Трамп та тікелей қатысқан. Ол Fox News телеарнасына берген сұхбатында Трамптың Си Цзиньпинді әуежайда өзі қарсы алуға шешім қабылдағанын, себебі екі ел басшысының қарым-қатынасы жақсы екенін айтты.
Си Цзиньпин 2015 жылдан бері Вашингтонға енді келіп отыр. Бағдарлама аясында жабық форматтағы кездесулер, мемлекеттік кешкі ас жоспарланған. Сонымен қатар тараптар жасанды интеллекттен бастап, Ирандағы соғыс пен Тайвань мәселесіне дейінгі бірқатар маңызды тақырыпты, сондай-ақ сауда саласындағы уақытша бітімді ұзарту мүмкіндігін талқылайды деген жоспар бар.
Оқи отырыңыз: Әлем лидерлері Нью-Йорктегі БҰҰ Бас Ассамблеясына жиналып жатыр
- Соңғы
-
-
-
- Қыркүйек, 23
-
-
-
-
-
-
-
-
-
-
-
-
-
-
-
Күнделікті жаңалықтар
24 қыркүйек 2026
