Газ бағасы бір жылда 34,8%-ға өсті: тағы не қымбаттады
Қазақстанда желі арқылы жеткізілетін газ бір жылда 34,8%-ға қымбаттады. Ұлттық статистика бюросының мәліметінше, 2026 жылғы қазанда тұрғын үй қызметтері, су, электр энергиясы, газ және өзге де отын түрлерінің бағасы былтырғы қазанмен салыстырғанда 11,2%-ға өскен.
Тұрғын үйді жалға алу ақысы бір жылда 17,4%-ға артты. Тұрғын үй-жайларға қызмет көрсету, жөндеу және қауіпсіздікті қамтамасыз ету қызметтері 12,3%-ға қымбаттаған.
Тұрғын үй-коммуналдық қызметтер бағасының бір жылдағы өзгерісі · 2026 жылғы қазан
Сұйытылған газ бағасы 9,9%-ға, домофон қызметінің ақысы 9,3%-ға, электр энергиясы 7,9%-ға өсті. Тұрғын үйді күтіп ұстау және қызмет көрсету ақысы 7,2%-ға, қатты отын бағасы 6,1%-ға, лифт үшін төлем 5,8%-ға көтерілді.
Қоқыс шығару қызметі 3,3%-ға, ыстық су 2,7%-ға, орталықтан жылыту 0,7%-ға қымбаттады. Ал суық су бағасы бір жылда 1,7%-ға, суды бұру қызметінің ақысы 0,8%-ға төмендеген.
- Соңғы
Күнделікті жаңалықтар
2 қараша 2026
