«Қазхром» шахтасында бір айда екінші жұмысшы қаза тапты
Ақтөбе облысындағы «Қазхром» компаниясына қарасты шахтада бір жұмысшы көз жұмды, деп хабарлайды Kursiv.media.
ERG құрамындағы компанияның мәліметінше, қайғылы жағдай дөң тау-кен байыту комбинатына қарасты Қазақстан тәуелсіздігінің 10 жылдығы атындағы шахтада вагондарды тіркеу жұмыстары кезінде болған. Жарақат алған жұмысшы Хромтау аудандық ауруханасына жеткізілген. Алайда дәрігерлер оның өмірін сақтап қала алмады.
Компания қаза тапқан қызметкердің жақындарына көңіл айтып, оларға қажетті көмек көрсетілетінін мәлімдеді.
Оқиға туралы тиісті мемлекеттік органдарға хабарланған. Жазатайым жағдайдың себептерін анықтау үшін Ақтөбе облысының мемлекеттік еңбек инспекциясы департаменті өкілдерінің қатысуымен арнайы комиссия құрылады. Қазір оқиғаның мән-жайы тергеліп жатыр.
Бұл кәсіпорында осы айда қаза тапқан екінші жұмысшы болып отыр.
- Соңғы
Күнделікті жаңалықтар
30 қазан 2026
