"Еш нәтиже шығармады": "Самұрық-Энерго" басшысы қызметінен неге кетті
29 қазанда өткен үкімет отырысында премьер-министр Олжас Бектенов «Самұрық-Энерго» басқарма төрағасын неге жұмыстан босатқанын түсіндірді деп жазады Kursiv Media.
«Жаңа өндіріс ошақтарын іске қосуға, құрылыс мерзіміне өз дәрежесінде бақылау жасамағаны үшін кеше «Самұрық-Энерго» АҚ басқарма төрағасы Қайрат Мақсұтовты қызметінен босату туралы шешім қабылданды. Оған бірнеше рет ескерту жасаған, бірақ ол еш қорытынды шығармады. Сондықтан кеше президент тарапынан қатаң сын айтылды, артыншы тиісті шешім қабылданды», – деді Бектенов.
Осыдан кейін премьер Энергетика министрлігіне «Самұрық-Қазына» қорымен бірге инфрақұрылымдық жобаларды іске асыруды жеделдетуді тапсырды.
28 қазандағы жолдауында Тоқаев елде өндірілетін электр энергиясының көлемі жеткіліксіз екенін айтқан еді.
«Қазақстан 123 миллиард киловатт-сағат электр энергиясын өндіреді. Өнеркәсібі, құрылыс саласы және агроөнеркәсіп кешені дамып келе жатқан ел үшін бұл көлем мүлде жеткіліксіз«, – деген еді ол.
Осыдан кейін бірнеше сағат өтпей жатып «Самұрық-Энерго» басшысы қызметінен босатылды. Бұл қызметте үш жылға жуық отырды. Босаған лауазымға кім келетіні әзірге белгісіз.
- Соңғы
-
-
-
-
-
-
-
-
-
-
-
-
-
-
-
- Қазан, 28
-
-
-
Күнделікті жаңалықтар
29 қазан 2026
