Ауыл шаруашылығы техникасын лизингке беруге 200 млрд теңге тарту ұсынылды
Қазақстанда 2027 жылы ауыл шаруашылығы техникасын жеңілдетілген лизингке беруге 200 млрд теңге тарту жоспарланып отыр. Бұл үшін «ҚазАгроҚаржыға» қосымша 37,5 млрд теңге бөлу ұсынылды. Сонымен қатар, мал шаруашылығын қолдауға 84 млрд теңге бюджет кредитін бөлу қажеттігі айтылды. Бұл туралы ауыл шаруашылығы министрі Айдарбек Сапаров үкімет жиынында мәлімдеді.
Ауыл шаруашылығы министрлігі шаруаларды ұзақ мерзімді жеңілдетілген қаржыландырумен қамтамасыз ету үшін бюджет қаражаты мен коммерциялық қаржыны қатар пайдалануды көздеп отыр.
Бұл тәсіл бюджет қаражаты уақытша жеткіліксіз болған жағдайда да фермерлерді уақтылы қаржыландыруға мүмкіндік беруге тиіс. Осы мақсатта «Бәйтерек» холдингі бюджеттен тыс қаражат тартуды жалғастырып, оны агроөнеркәсіптік кешенді кредиттеуге бағыттауы қажет.
2026 жылы холдинг желісі арқылы ұзақ мерзімді қарызға 270 млрд теңге қарастырылған. 2027 жылға бұл мақсатқа 220 млрд теңге көзделген. Қазіргі уақытта мал сатып алуға 64,2 млрд теңге бағытталған.
«Сонымен бірге, мал шаруашылығын қолдау үшін Аграрлық несие корпорациясы арқылы 84 млрд теңге бюджет кредитін бөлу қажет. Ал Қазақстанның Даму Банкі арқылы инвестициялық жобаларды іске асыруға 2026 жылы 35 млрд теңге бөлу жоспарланған«, – деп мәлімдеді министр.
Отандық тракторлар мен комбайндар өндірісін ұлғайту үшін биыл «ҚазАгроҚаржыға» бюджеттік кредит ретінде 50 млрд теңге бөлу көзделген.
Бұдан бөлек, Құрылтай депутаттары компанияға қосымша 37,5 млрд теңге бөлуді ұсынған. Бұл қаражат 2027 жылы ауыл шаруашылығы техникасын жеңілдетілген лизингке беруге 200 млрд теңге тартуға мүмкіндік береді.
Солтүстік Қазақстан облысының тәжірибесін басқа өңірлерге тарату бағдарламасы аясында да қаржыландыруды кеңейту ұсынылды.
Атап айтқанда, 2027 жылы ауыл шаруашылығы жануарларын сатып алуға жеңілдетілген кредит беру үшін қосымша 50 млрд теңге бөлу жоспарланып отыр. Қаржы сенім білдірілген агент арқылы берілуі көзделген.
Тағы да оқыңыз: Қазақстанда ескі лизинг шарттарына да 16% ҚҚС салынады
- Соңғы
-
-
-
-
-
-
-
-
-
- Қазан, 28
-
-
-
-
-
-
-
-
-
Күнделікті жаңалықтар
29 қазан 2026
