Елде сұйытылған газ экспортына салынған тыйым тағы 6 айға ұзартылды
Энергетика министрлігі сұйытылған мұнай газын елден шығаруға салынған тыйымды ұзартпақ. Шектеу 2026 жылғы 14 қарашадан бастап тағы 6 айға созылады, деп хабарлайды Kursiv Media.
Қазақстан сұйытылған мұнай газын, пропан мен бутанды (СМГ) теміржол және автокөлік көлігімен экспорттауға салынған тыйымды 6 ай мерзімге ұзартты.
«Тыйым «Теңізшевройл», «Қарашығанақ Петролиум Оперейтинг» және «Жайықмұнай» сияқты ірі компанияларға жүрмейді. Себебі олар президент бекіткен арнайы келісімшартпен жұмыс істейді және салық жеңілдіктері сақталған», – делінген Энергетика министрлігінің бұйрық жобасында.
Сұйытылған газ мұнайы экспортына салынған тыйым ішкі нарықты қамтамасыз ету мақсатында 2017 жылдан бері қолданылып келеді.
Кеше Астанада өткен ENERGY TRENDS: Gas & Petrochemicals конференциясында «ҚазМұнайГаз» басқарма төрағасының орынбасары Әсет Мағауов мәлімдегендей, ұлттық компания 2030 жылға қарай СМГ өндірісін ағымдағы жылдағы 1,3 млн тонна көрсеткішінен жылына тек 250 мың тоннаға ғана арттырады.
Айта кететін жайт, келесі жылы Атырау облысының Мақат ауданында қуаты жылына 700 мың тонна СМГ құрайтын, жеке инвестор – Eskene LPG салып жатқан Қашаған газын фракциялау зауыты іске қосылуы тиіс.
- Соңғы
-
-
-
-
-
-
-
- Қазан, 29
-
-
-
-
-
-
-
-
-
-
-
Күнделікті жаңалықтар
30 қазан 2026
