Алматы тауларында жоғалып кеткен жасөспірім құтқарылды
Қарасай ауданында құтқарушылар тауда адасып кеткен 2010 жылы туған жасөспірімді тауып, қауіпсіз жерге эвакуациялады. Сонымен қатар Сәтбаев шыңының маңынан тағы бір турист құтқарылды.
Алдын ала мәлімет бойынша, жасөспірім тауға жалғыз шыққан. Кейін онымен байланыс үзілген. Геолокация деректерінің болмауы іздестіру жұмыстарын қиындатқан.
Құтқарушылар оны теңіз деңгейінен 4 317 метр биіктіктегі Сәтбаев шыңының солтүстік беткейінен тапты. Одан кейін жасөспірімді қауіпсіз жерге түсіру жұмыстары басталды.
Сол аумақта құтқарушылар тағы бір туристі — 18 жастағы жігітті анықтады. Ол теңіз деңгейінен шамамен 3 800 метр биіктіктегі «Лунная поляна» шатырынан табылған. Туристің бойынан жеңіл дәрежедегі жалпы гипотермия, яғни дененің салқындау белгілері байқалған.
Құтқару операциясын үйлестіру үшін Үлкен Алматы көлі аумағында жедел штаб құрылды.
Іздестіру-құтқару жұмыстарына жеке құрамның 114 қызметкері жұмылдырылды. Сонымен қатар операцияға «Қазавиақұтқару» әуе кемесі тартылды.
- Соңғы
Күнделікті жаңалықтар
2 қараша 2026
