Алматы облысында мас жүргізуші төрт жасөспірімді қағып кетті
Алматы облысында мас жүргізуші тротуарда кетіп бара жатқан төрт жасөспірімді қағып кетті, деп хабарлайды Kursiv.media.
КТК ақпаратына қарағанда, жүргізуші жол-көлік оқиғасынан кейін тоқтамай, оқиға орнынан қашып кеткен. Алайда күдікті ұсталып, уақытша ұстау изоляторына қамалды.
Оқиға Көксай ауылында болған. Көлік кептелісін айналып өтуді көздеген жол талғамайтын көліктің жүргізушісі алдымен жеңіл автокөлікпен соқтығысқан. Сонда да ер адам тоқтамастан, көлікті тротуарға шығарып жіберген. Сол сәтте тротуармен төрт жасөспірім келе жатқан. Олардың екеуі зардап шекті. Олар дене жарақатын алып, жеңіл шок алған.
Алдын ала болжам бойынша, күдікті мас болған. Полиция қылмыстық іс қозғады.
Айта кететін жайт, Рудныйда мас жүргізуші бағанаға соғылып, 20 тәулікке қамалған болатын.
- Соңғы
- Қазан, 08
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
9 қазан 2026
