Ақтөбелік шатырға шығып, абақтыдан қашып кеткен
Ақтөбе облысында 33 жастағы ер адам ғимараттың осал тұсын тауып, уақытша ұстау изоляторынан қашып кеткен, деп хабарлайды Kursiv.media.
Диапазон ақпаратына қарағанда, ер адам мас күйінде көлік жүргізгені үшін сотталған. Оның үстіне, ол көлік тізгініне жүргізуші куәлігінен айырылғаннан кейін отырған. Сот үкімі шыққаннан бірнеше күн өткен соң, ол Бадамша ауылындағы уақытша ұстау изоляторынан қашуды ұйғарған.
Кешкі серуен кезінде сотталушы аспалы құлыпты ашып, көрші аулаға кірген. Ол қабырғадан шығыңқы тұрған ұлутас бөлігін ойып алып, арматураны сындырып, шатырға шыққан. Кейін тікенекті сымнан асып өтіп, бостандыққа шыққан.
Қашқын Кемпірсай ауылын жаяу айналып өтіп, Ақтөбеге қарай кетіп бара жатқан көлікке мінген. Алайда қалаға жете алмаған, сол күні полиция қызметкерлері ұстады.
Қашқаны үшін сот оған бір жарым жылға бас бостандығынан айыру жазасын тағайындады. Алдыңғы іс бойынша өтелмеген жазасы ескеріліп, жалпы екі жылға сотталды.
Енді ол жалпы режимдегі колонияда емес, қауіпсіздігі барынша жоғары мекемеде жазасын өтейтін болады
Айта кететін жайт, Орал қаласында көлік құралын басқару құқығынан айырылған жүргізуші есірткіге мас күйде көлік басқарғаны анықталды.
- Соңғы
- Қазан, 08
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
9 қазан 2026
