Қазақстандықтар үшін Тайландта демалу қымбаттай түспек
Таиландқа сапар жаңа салықтың енгізілуіне қатысты қымбаттауы мүмкін. Таиландтың қаржы министрлігі шетелге ұшып шығатын әр жолаушыға 1000 бат көлемінде салық салу туралы ұсынысты қарастырып жатыр, деп жазады Kursiv.Media.
Салықты барлық ұлт өкілдеріне енгізу жоспарланып отыр,
Сондықтан заң қабылданған жағдайда, ол қазақстандық туристерге де қатысты болады. Жолаушы жеңілдік санатына жатпаса, Таиландтан шыққан әрбір ұшуы кезінде салық төлеуі керек.
Салықты әуе компаниялары мен олардың агенттері билет құнына қосып өндіріп алады деп болжанып отыр. Алғашқы кезеңде салық мөлшері 1000 бат болады, ол шамамен 13,3 мың теңге.
Сонымен қатар заң жобасы бұл соманы 5000 батқа дейін, яғни бір шығу үшін шамамен 66,4 мың теңгеге дейін көтеруге мүмкіндік береді. Құрлық және теңіз арқылы шығатын жолаушыларға бастапқы кезеңде бұл салық салынбайды.
Екі жасқа дейінгі балаларды, сондай-ақ арнайы белгіленген транзиттік аймақтардан шықпайтын халықаралық транзиттік жолаушыларды салықтан босату ұсынылып отыр. Бұдан бөлек, жолақысы төленбейтін қызметтік міндеттерін атқарып жүрген экипаж мүшелері сияқты бірқатар санатқа да жеңілдіктер қарастырылған.
Жаңа салық әзірге енгізілген жоқ. Ұсыныс бойынша қоғамдық талқылау жүріп жатыр және ол 2026 жылғы 29 қазанға дейін жалғасады.
Егер заң қабылданса, ол ресми үкіметтік басылымда жарияланғаннан кейін 180 күн өткен соң күшіне енеді.
- Соңғы
Күнделікті жаңалықтар
8 қазан 2026
