Тоқаев CNMC компаниясы директорлар кеңесінің төрағасы Вэнь Ганды қабылдады
Мемлекет басшысы Қасым-Жомарт Тоқаев China Nonferrous Metal Mining (CNMC) тобы директорлар кеңесінің төрағасы Вэнь Ганмен кездесті. Тараптар Абай облысындағы жаңа инвестициялық жобаны және өнеркәсіп саласындағы ынтымақтастық келешегін талқылады, деп хабарлайды Kursiv.Media.
Кездесу барысында президент Қазақстанның индустриялық әлеуетін арттыруға халықаралық тау-кен және металл өндірісінде мол тәжірибесі бар CNMC компаниясының қосып жатқан үлесін жоғары бағалады.
Президент Ақтоғай кен орнында мыс балқыту зауыты құрылысының басталуын еліміз үшін ерекше маңызды оқиға деп атады. Аталған ауқымды жоба Абай облысының экономикасын дамытып қана қоймай, Қазақстанның өңдеу өнеркәсібін өркендетуге қуатты серпін бермек.
«Қытай – Қазақстанның сауда-инвестиция саласындағы негізгі стратегиялық және экономикалық серіктестерінің бірі. Бүгін іргетасы қаланған зауыт құрылысы екі ел арасындағы әріптестіктің қарқынды дамып келе жатқанының айқын дәлелі», – деп атап өтті мемлекет басшысы.
Өз кезегінде CNMC басшысы Вэнь Ган мұндай ірі жобаны жүзеге асыруға сенім білдіргені әрі салтанатты рәсімге арнайы қатысқаны үшін Қасым-Жомарт Тоқаевқа ризашылығын білдірді.
Компания төрағасының айтуынша, құрылыс жұмыстары жоғары деңгейде әрі бекітілген мерзімде аяқталады. Онда ең озық технологиялар қолданылып, өнеркәсіптік және экологиялық қауіпсіздік талаптары қатаң сақталады.
Сонымен қатар жоба аясында:
Кездесу соңында бұл зауыт Қазақстан мен Қытай арасындағы өнеркәсіптік кооперацияның тағы бір табысты үлгісіне айналып, металлургия мен шикізатты терең өңдеу бағытындағы бірлескен жобаларға жол ашатыны айтылды.
- Соңғы
- Қазан, 21
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
22 қазан 2026
