Астанада жылыту маусымы қашан басталады
Астанда алдағы жылыту маусымының қашан басталатыны белгілі болды. Бұл туралы «Астана-Теплотранзит» АҚ басқарма төрағасының режим және реттеу жөніндегі орынбасары – Бас инженер Абзал Сауғабаев мәлімдеді.
Кәсіпорын өкілінің айтуынша, жылу беру процесі бекітілген арнайы регламентке сәйкес жүзеге асырылады.
«Жылыту маусымының басталуы Жылыту маусымына дайындық жүргізу және өткізу ережелерімен реттеледі. Оны бастау үшін орташа тәуліктік температура 5 күн бойы +10 градус деңгейінде болуы қажет. Аталған жағдайда біз жылыту маусымының басталғанын жариялап, нысандарды жоспарлы түрде іске қосамыз», – деді Абзал Сауғабаев.
Сондай-ақ, «Астана-Теплотранзит» өкілі ауа райы суытқан жағдайда білім беру және денсаулық сақтау мекемелеріне жылу мерзімнен бұрын берілуі мүмкін екенін жеткізді.
«Біз әлеуметтік нысандар – балалар мен медициналық мекемелер үшін жылыту маусымын ертерек бастауды қамтамасыз етуге әрдайым дайынбыз», – деп атап өтті бас инженер.
Осылайша, елордадағы балабақшалар, мектептер мен ауруханалар сияқты маңызды мекемелерге тұрғын үйлерге қарағанда жылу ерте қосылуға дайын.
Бұған дейін, Астанада жылу маусымын тұрақты өткізу үшін ЖЭО-лар мен жылу желілерін жаңарту жұмыстары жүргізілген еді.
- Соңғы
-
-
-
-
-
-
-
-
-
-
-
-
-
-
-
- Қыркүйек, 14
-
-
-
Күнделікті жаңалықтар
15 қыркүйек 2026
